التايدا 8-عاسىردا ءومىر سۇرگەن تۇركى جاۋىنگەرىنىڭ مولاسى تابىلدى

Алтай
Фото: Фото: pixabay.com

رەسەيلىك جانە قازاقستاندىق ارحەولوگتار 1935 -جىلعى قازبا جۇمىستارىنان كەيىن جوعالىپ كەتكەن VIII عاسىردا التايدا ءومىر سۇرگەن تۇركى جاۋىنگەرى اق- كيۋننىڭ جەرلەنگەن جەرىن انىقتادى. kazinform بۇل تۋرالى ت ا س س اقپارات اگەنتتىگىنە سىلتەمە جاساپ حابارلايدى.

 

 

عالىمدار قابىردىڭ ناقتى ورنىن قۋراي مەن شۋ دالاسىنداعى تۇركى ءداۋىرى ەسكەرتكىشتەرىنىڭ كارتاسىنا ەنگىزدى، دەپ حابارلادى التاي مەملەكەتتىك ۋنيۆەرسيتەتىنىڭ «ۇلكەن التاي» عىلىمي- ءبىلىم بەرۋ ورتالىعىنىڭ باسپا ءسوز قىزمەتىنەن.

«ۇلكەن التاي» التايتانۋ جانە تۇركىتانۋ عىلىمي- ءبىلىم بەرۋ ورتالىعىنىڭ حالىقارالىق ارحەولوگيالىق ەكسپەديتسياسى بارىسىندا رەسەي مەن قازاقستان عالىمدارى قۋراي مەن شۋ دالاسىنداعى تۇركى داۋىرىندەگى ەسكەرتكىشتەردىڭ ناقتى ورنىن انىقتاپ، كارتاعا ءتۇسىردى. ولاردىڭ اراسىندا 1935 -جىلى العاش رەت تابىلعان اتاقتى تۇركى جاۋىنگەرى اق- كيۋننىڭ مولاسى بار»، - دەپ اتاپ ءوتتى باسپا ءسوز قىزمەتى.

جاۋىنگەر بەيىتىنىڭ ورنالاسقان جەرى 1935 -جىلى جۇرگىزىلگەن قازبا جۇمىستارىنان كەيىن جوعالعان. بۇعان قولا ءداۋىرى مەن ورتا عاسىرلارداعى قورعانداردىڭ ءبىر قورىم كەشەنىندە جاقىن ورنالاسۋى، سونىمەن قاتار 20- عاسىر قۇجاتتاماسى مەن لاندشافتتىڭ وزگەرۋى اسەر ەتتى. بەيىتتىڭ قاي جەردە ورنالاسقانىن حالىقارالىق ارحەولوگيالىق ەكسپەديتسيا قۇرامىنداعى «ۇلكەن التاي - تۇركى مۇراسى» سيكلىنىڭ اياسىندا انىقتالدى.

وعان التاي جانە كەمەروۆو مەملەكەتتىك ۋنيۆەرسيتەتتەرى، رەسەي عىلىم اكادەمياسى ءسىبىر فيليالىنىڭ ارحەولوگيا جانە ەتنوگرافيا ينستيتۋتى، ءا. مارعۇلان اتىنداعى ارحەولوگيا ينستيتۋتى جانە ق ر تورايعىروۆ اتىنداعى ۋنيۆەرسيتەتىنىڭ عالىمدارى قاتىستى.

1935 -جىلى قازبا جۇمىستارى كەزىندە قابىردەن ءتۇرلى زاتتار تابىلدى، ولاردىڭ اراسىندا كۇمىس ايىلباستارى جانە «بۇل اق- كيۋن مىرزانىكى» دەگەن جازۋى بار بەلدىك بولعان. كەيىننەن جەرلەنگەن ادامنىڭ باس سۇيەگىنە انتروپولوگيالىق رەكونسترۋكتسيا جاسالىپ، قازىر ول التاي مەملەكەتتىك تاريحي- ولكەتانۋ مۇراجايىندا ساقتاۋلى تۇر.

سوڭعى جاڭالىقتار