الەمنىڭ اسكەر قۋاتى رەيتينگىندە قازاقستان 19-ورىندا تۇر

 News جانە World Report الەم ەلدەرى اسكەرىنىڭ الەۋەتىنە زەرتتەۋ جۇرگىزدى. ناتيجەسىندە قازاقستان 87 ەلدىڭ ىشىندە 19-قاتارعا، وزبەكستان (18-ورىن) مەن ب ا ءا (20- ورىن) ورتاسىنا ورنالاستى. Kazinform بۇل تۋرالى Ranking باسىلىمىنا سىلتەمە جاساپ حابارلايدى. 

اسكەر كۇشىنىڭ رەيتينگى - ەلدىڭ قۋاتىن انىقتايتىن نەگىزگى التى كورسەتكىشتىڭ ءبىرى.

اسكەرى ەڭ كۇشتى ەل رەسەي بولىپ قالا بەرمەك، ودان كەيىن ورىندا ا ق ش بولسا، ۇزدىك ۇشتىكتى قىتاي تۇيىندەدى. يزرايل 4-شى، ۋكراينا 6-شى قاتاردا تۇرعانىن دا ايتا كەتكەن ءجون.

ولاردان بولەك اسكەرى مىقتى 10 ەلدىڭ قاتارىنا وڭتۇستىك كورەيا، يران، ۇلى بريتانيا، گەرمانيا مەن تۇركيا ەنگەن.

رەيتينگتە بەلارۋس ەلى 12-ورىندا، ازەربايجان 24-ورىندا ەكەنىن ايتا كەتەيىك.

ەڭ ءالسىز اسكەر ليۋكسەمبۋرگ، سينگاپۋر مەن ەستونيادا بولىپ شىقتى.

رەيتينگ الەمنىڭ 36 مەملەكەتىندەگى 17,2 مىڭ ادامنان ساۋالناما الۋ ارقىلى جاسالدى.

ەلدەر 73 ءتۇرلى كريتەري ارقىلى باعالاندى.

وزبەكستان اسكەر كۇشى بويىنشا قازاقستاننان 0,2 ۇپايعا الدا، ياعني 16 جانە 15,8 ۇپاي.

دەگەنمەن بۇعان دەيىن قازاقستان ەكى جىل قاتارىنان كورشىسىنەن باسىم بولعان: 2021 -جىلى - 25,6 جانە 21,5 بولسا، 2022 -جىلى - 12,6 جانە 10,8 ۇپاي.

ستوكگولم الەم ماسەلەلەرىن زەرتتەۋ حالىقارالىق ينستيتۋتىنىڭ (SIPRI) دەرەگىنشە، اقپارات ۇسىنعان و ا ەلدەرىنىڭ ىشىندە قازاقستاننىڭ اسكەري بيۋدجەتى ەڭ جوعارى ەكەن.

ماسەلەن، 2022 -جىلى ول 1,1 ميلليارد ا ق ش دوللارىنا جەتسە، قىرعىزستان مەن تاجىكستاندا بۇل كورسەتكىش 149,8 ميلليون جانە 103,5 ميلليون ا ق ش دوللارى بولدى.

وعان قوسا قازاقستان اسكەري قاجەتتىلىك شىعىنىن 1,2 تريلليون تەڭگەگە (قازىرگى كۋرس بويىنشا 2,4 ميلليارد ا ق ش دوللارى) دەيىن ارتتىرۋدى كوزدەپ وتىر.