الەمدىك ميللياردەرلەر تىزىمىندە 2-ورىنعا كوتەرىلگەن باي

استانا. KAZINFORM - امەريكالىق Oracle كومپانياسىنىڭ نەگىزىن قالاۋشىلاردىڭ ءبىرى، 80 جاستاعى لارري ەلليسون مارك تسۋكەربەرگتى (Meta) باسىپ وزىپ، الەمدەگى ميللياردەرلەر تىزىمىندە ەكىنشى ورىنعا كوتەرىلدى، دەپ حابارلايدى Bloomberg.

ەلليسوننىڭ بايلىعى 251,2 ميلليارد دوللارعا باعالانعان. ال Tesla-نىڭ باس ديرەكتورى يلون ماسك 358 ميلليارد دوللار بايلىعىمەن ءبىرىنشى ورىندا تۇر.

لارري ەلليسوننىڭ ميللياردەرلەر تىزىمىنە كوتەرىلۋى جاساندى ينتەللەكت تەحنولوگيالارىنىڭ تانىمالدىلىعىنىڭ ارتۋىنا بايلانىستى بولىپ تۇر. Oracle اكسيالارى «جاساندى ينتەللەكت قۇمارلىعىنىڭ» نەگىزگى بەنەفيتسيارلارىنىڭ بىرىنە اينالدى جانە ولاردىڭ قۇنى ءۇش ەسەگە جۋىق ءوستى. كەيىنگى ايلاردا Oracle بۇلتتى ەسەپتەۋلەر بويىنشا ءىرى كەلىسىمشارتتاردى قامتاماسىز ەتتى. ونىڭ نەگىزگى تۇتىنۋشىلارىنىڭ ءبىرى OpenAI بولدى.

ەلليسون Oracle اكسيالارىنىڭ شامامەن %35,4 ىن يەلەنەدى. سونىمەن قاتار ول 2018-جىلى Tesla-نىڭ 3 ميلليون اكسياسىن ساتىپ الىپ، كومپانياداعى ۇلەسىن 2020-جىلى %2 عا جەتكىزدى. ول 2018-جىلى كومپانيانىڭ ديرەكتورلار كەڭەسىنە تاعايىندالدى.

ەسكە سالا كەتەيىك، شۆەتسيا جاھاندىق دوللارلىق ميلليونەرلەر رەيتينگىندە پوزيتسياسىن جوعالتىپ كەلەدى.