الەمدىك ب ا ق- تاعى قازاقستان: ە و- مەن ۆيزا ءراسىمىن جەڭىلدەتۋ، 5G ينتەرنەت، قۇتقارۋشىلاردى ماراپاتتاۋ

بۇل اپتادا شەتەلدىك اقپارات قۇرالدارىندا قازاقستان جايلى ءجيى ايتىلدى. اسىرەسە قازاقستان پرەزيدەنتىنىڭ ECECACD توراعاسىمەن كەزدەسۋى، سۋ تاسقىنى كەزىندە كومەك كورسەتكەندەردىڭ ماراپاتتالۋى، 5G ينتەرنەت ەنگىزۋ جانە ە و- مەن ۆيزانى جەڭىلدەتۋ جونىندەگى كەلىسسوزدەر شەتەلدىك مەديانىڭ كوزىنە ءتۇسىپتى. الەمدىك ب ا ق- تىڭ ەلىمىز تۋرالى نە جازعانىن تولىقتاي Kazinform ءتىلشىسىنىڭ شولۋىنان وقىڭىز.

Коллаж: Kazinform, midjourney
Коллаж: Kazinform, midjourney

Anadolu: قازاقستان مەن ەۋپوپالىق وداق ۆيزالىق راسىمدەردى جەڭىلدەتۋ بويىنشا كەلىسسوز باستادى

اتالعان جاڭالىقتى ەۋرووداقتىڭ سانكتسيالار جونىندەگى حالىقارالىق ارنايى ۋاكىلى دەۆيد و'سالليۆان قازاقستانعا ساپارى كەزىندە حابارلادى. ول سونداي-اق ە و- نىڭ قازاقستانمەن قارىم-قاتىناسى بەلسەندى دامىپ كەلە جاتقانىن اتاپ ءوتتى. بۇل مالىمدەمەنى Anadolu اگەنتتىگى ءبولىستى.

- ە و قازاقستاننىڭ ءىرى ساۋدا سەرىكتەسى جانە تىكەلەي شەتەلدىك ينۆەستيتسيالاردىڭ ءىرى كوزى بولىپ ەسەپتەلەدى. ءبىز ماڭىزدى ستراتەگيالىق سەرىكتەستىك ورناتتىق. وسى ارىپتەستىك اياسىندا ەكونوميكالىق ىنتىماقتاستىقتى دامىتىپ، ىلگەرىلەتۋگە كۇش سالامىز، - دەپ كەلتىردى ارنايى وكىلدىڭ ءسوزىن.

سونىمەن قاتار، دەۆيد و'سالليۆان ۆيزالىق رەجيمدى جەڭىلدەتۋ بويىنشا اتقارىلىپ جاتقان جۇمىستار تۋرالى بايانداعان. ەگەر بۇل ءىس ءساتتى جۇزەگە اسسا، ىنتىماقتاستىق ودان ءارى نىعايا تۇسپەك.

Trend: كەلەسى جىلدىڭ سوڭىنا دەيىن 5G ۇيالى بايلانىسىن ەنگىزۋ جوسپارلانۋدا

سيفرلىق دامۋ، يننوۆاتسيا جانە اەروعارىش ونەركاسىبى ءمينيسترى جاسلان ماديەۆتىڭ بۇل سوزىنە سىلتەمە جاساي وتىرىپ، كەلەر جىلدىڭ سوڭىنا دەيىن 5G ۇيالى بايلانىسىنا قوسىلۋىمىز مۇمكىن ەكەنىن Trend حابارلادى.

- مەملەكەت باسشىسىنىڭ تاپسىرماسىنا سايكەس، 5G ۇيالى بايلانىسىن ەنگىزۋ 2025-جىلدىڭ سوڭىنا دەيىن اياقتالۋى ءتيىس. تۇتاستاي العاندا، 2027-جىلدىڭ سوڭىنا دەيىن ۇيالى بايلانىس وپەراتورلارى تەلەكوممۋنيكاتسيا سالاسىنا 450 ميلليارد تەڭگەدەن استام (شامامەن 980 ميلليون دوللار) ينۆەستيتسيا جاسايتىن بولادى، - دەگەن ءمينيستردىڭ ءسوزىن كەلتىرەدى اگەنتتىك.

5G تەحنولوگياسىن ودان ءارى دامىتۋعا قاتىستى «كسەلل» جانە «تەلە2» وپەراتورلارى استانا، الماتى، شىمكەنت قالاسىندا جانە وبلىس ورتالىقتارىندا جۇمىس اتقارادى. قازىر قازاقستاننىڭ 20 قالاسىندا 1144 بازالىق ستانتسيا ورناتىلعان. حالىقارالىق مالىمەتتەرگە سايكەس، ينتەرنەتتى پايدالاناتىن حالىقتىڭ ۇلەسى دامىعان ەلدەر دەڭگەيىندە. 2020-جىلعا قاراعاندا رەسپۋبليكادا ترافيك 61,5 پايىزعا، ال ابونەنتتەر سانى 12,9 پايىزعا وسكەن.

Speedtest Ookla مالىمەتى بويىنشا، 2024-جىلى ساۋىردە قازاقستانداعى بايلانىستىڭ ورتاشا جىلدامدىعى 43,6 مبيت/س- نى قۇراپ، الەمدە 66-ورىندا تۇر. بۇل كورسەتكىش رەسەيگە، قىرعىزستان مەن وزبەكستانعا قاراعاندا جوعارى.

سونىمەن قاتار اگەنتتىك جاسلان ماديەۆتىڭ «ەلىمىزدە 6290 اۋىل بار، ونىڭ ىشىندە سىمدى ينتەرنەت 2606 اۋىلعا جەتكىزىلگەن. ۇلتتىق جوبا شەڭبەرىندە بايلانىستىڭ وپتيكالىق جەلىلەرىن 3010 اۋىلعا قوسۋ كوزدەلىپ وتىر» دەگەن ءسوزىن العا تارتقان.

ۆەدومستۆونىڭ مالىمەتىنشە، موبيلدى ينتەرنەت قازاقستاننىڭ 4866 اۋىلىندا قولجەتىمدى. سالىقتىق جەڭىلدىكتەر اياسىندا 2023-جىلى 1161 اۋىل 4G تەحنولوگياسىنا قوسىلعان. قالعان 1424 اۋىل بويىنشا جۇمىس جالعاسۋدا.

Report: قىتايمەن ورتا ءدالىزدى دامىتۋ بويىنشا كەلىسىم بەكىتىلدى

قازاقستان سەناتى تۇركى ەلدەرى اراسىنداعى ترانسكاسپيي حالىقارالىق كولىك باعدارىن (ورتا ءدالىز) جانە ارالاس جۇك تاسىمالىن دامىتۋعا باعىتتالعان ءبىرقاتار حالىقارالىق كەلىسىمدەردى راتيفيكاتسيالادى. بۇل تۋرالى ازەربايجاندىق Report مالىمدەدى.

اگەنتتىكتىڭ جازۋىنشا، قۇجاتتاردىڭ ءبىرى ەكى ەل اۋماعى بويىنشا كونتەينەرلىك پويىزدارمەن تاسىمالداۋدى ۇلعايتۋ جانە جۇك تاسىمالداۋدىڭ جىل سايىنعى بولجامدارىن دايىنداۋدى كوزدەيدى. باسقا كەلىسىم ورتا ءدالىز باعىتتارىندا اۆتوموبيل، تەمىر جول جانە تەڭىز كولىك تۇرلەرىن ءتيىمدى پايدالانۋعا نەگىزدەلگەن.

- بارلىق قۇجاتتىڭ نەگىزگى مىندەتى - حالىقارالىق جۇك تاسىمالى راسىمدەرىن جەڭىلدەتۋ جانە ترانزيتتىك-كولىكتىك الەۋەتتى، حالىقارالىق ساۋدا-ەكونوميكالىق قاتىناستاردى ودان ءارى نىعايتۋ ءۇشىن قولايلى جاعداي جاساۋ، - دەپ كەلتىردى ق ر پارلامەنت سەناتىنىڭ حابارلاماسىن.

اگەنتتىك 2024-جىلدىڭ العاشقى 4 ايىندا ورتا ءدالىز بويىنشا جۇك تاسىمالداۋ كولەمى وتكەن جىلمەن سالىستىرعاندا 14 پايىزعا ۇلعايىپ، 1,4 ميلليون توننانى قۇراعانىن جازادى. ال 2023-جىلى جۇك تاسىمالداۋ كولەمى 2022-جىلمەن سالىستىرعاندا 65 پايىزعا ۇلعايىپ، 2,7 ميلليون توننانى قۇراعان.

ترانسكاسپي حالىقارالىق كولىك مارشرۋتى قىتاي، قازاقستان، كاسپيي تەڭىزىنىڭ اكۆاتورياسى، ازەربايجان، گرۋزيا جانە ودان ءارى تۇركيا مەن ەۋروپا ەلدەرىنە وتەتىنىن ايتا كەتەيىك.

Daryo: قازاقستان مەن ECECACD ەسىرتكىمەن كۇرەستەگى ىنتىماقتاستىقتى كەڭەيتۋ جايىن تالقىلادى

قازاقستان پرەزيدەنتى قاسىم-جومارت توقايەۆ ECECACD ءتوراعاسى الەكساندر كۆاسنيەۆسكيمەن كەزدەسىپ، شىعىس جانە ورتالىق ەۋروپا، ورتالىق ازيا ەلدەرىنىڭ ەسىرتكى ساياساتى جونىندەگى كوميسسياسىمەن ءوزارا بەلسەندى ءىس-قيمىل جاساۋعا دايىن ەكەنىن ايتتى. بۇل جاڭالىقتى Daryo وزبەك مەدياسى جازدى.

كەزدەسۋ ECECACD- مەن اقپارات الماسۋداعى ىنتىماقتاستىقتى نىعايتۋعا جانە ناشاقورلىققا، ەسىرتكى ساۋداسىنا قارسى كۇرەستەگى ۇزدىك تاجىريبەلەردى بولىسۋگە ارنالعان.

- توقايەۆ ەسىرتكى قۇرالدارىن ءوندىرۋ مەن زاڭسىز ساتۋعا قاتىسى بار ادامداردى جازالاۋدى قاتاڭداتۋ ماقساتىندا قازاقستاندىق زاڭنامانى قايتا قاراۋ قاجەتتىگىن اتاپ ءوتتى. بۇل تۋرالى ول ۇلتتىق قۇرىلتايداعى سوزىندە مالىمدەگەن، - دەپ جازدى اقپارات قۇرالى.

ءوز كەزەگىندە كۆاسنيەۆسكيي ەسىرتكىگە قارسى ساياساتتىڭ تيىمدىلىگىن ارتتىرۋعا باعىتتالعان جاڭا باعدارلامالار مەن شارالاردى تانىستىردى. ەكى تاراپ ناشاقورلىقتىڭ الدىن الۋ جانە ەسىرتكىنىڭ زاڭسىز تارالۋىنا قارسى كۇرەس بويىنشا بىرلەسكەن جۇمىستاردى قولعا الۋعا كەلىستى.

Central Asia News: سۋ تاسقىنىمەن كۇرەسكەن قازاقستاندىقتار ماراپاتتالدى

ق ر مەملەكەت باسشىسى قاسىم-جومارت توقايەۆ كوكتەمدەگى سۋ تاسقىنىمەن كۇرەسۋدە ەڭبەك سىڭىرگەن قۇتقارۋشىلارعا، اسكەري قىزمەتكەرلەرگە، ىشكى ىستەر ورگاندارى مەن اكىمدىك قىزمەتكەرلەرىنە العىس ايتتى. اتالعان جاڭالىقتى Central Asia News جازدى.

قاسىم-جومارت توقايەۆ بيىل ەل تاريحىنداعى ەڭ جويقىن تاسقىن بولعانىن اتاپ وتكەن. 10 وڭىردە توتەنشە جاعداي ەنگىزىلىپ، 19 مىڭنان استام ۇيگە زاقىم كەلگەن. كۇشتىك قۇرىلىمداردىڭ 63 مىڭنان استام قىزمەتكەرى سۋ تاسقىنىنا قارسى كۇرەسىپ، 120 مىڭنان استام ادام ەۆاكۋاتسيالاندى. ۇلتتىق ەرىكتىلەر جەلىسى دە بىرىنشى كەزەكتە قاجەتتى ونىمدەر مەن زاتتاردى جەتكىزىپ، ەلەۋلى ءرول اتقاردى. قيىن- قىستاۋ كەزەڭدە بىرلىك پەن ىنتىماق كورسەتكەن اتىراۋ وبلىسىنىڭ تۇرعىندارى، كەنتاۋلىق مەكتەپ وقۋشىسى مەن باسقا دا بەلسەندىلەر اتالدى. پرەزيدەنت سونداي-اق حالىقارالىق كومپانيالار مەن باۋىرلاس مەملەكەتتەرگە قولداۋ كورسەتكەنى ءۇشىن العىس ايتقان.

- ەل مۇددەسى ءۇشىن جاسالعان ەڭبەك پەن ەرلىك ەشقاشان ۇمىتىلمايدى. سوندىقتان بۇگىنگى ماراپاتتى حالىقتىڭ سىزدەرگە دەگەن زور العىسى دەپ قابىلداعان ءجون، - دەگەن قاسىم-جومارت توقايەۆتىڭ ءسوزىن كەلتىردى باسىلىم.

راسىمدە سۋ تاسقىنىنىڭ سالدارىنا قارسى كۇرەسكە ەلەۋلى ۇلەس قوسقان قۇتقارۋشىلار، ەرىكتىلەر، قوعام قايراتكەرلەرى، اسكەري قىزمەتكەرلەر، دارىگەرلەر مەن كاسىپكەرلەر ماراپاتتالدى.

سوڭعى جاڭالىقتار