الەمدىك ب ا ق-تاعى قازاقستان: تاجىكستانعا ساپار، بيداي اكەلۋدى شەكتەۋ مەن ەكسپورت جانە يمپورت ماسەلەلەرى

ادەتتەگىدەي جاھانداعى ينتەرنەت- باسىلىمدار قازاقستانعا قاتىستى كوپتەگەن جاڭالىقتاردى ءبولىستى. ونىڭ ىشىندە قاسىم-جومارت توقايەۆتىڭ تاجىكستانعا ساپارى ەرەكشە اتالعان. جانە ەلىمىز بيدايدىڭ مول قورىنا بايلانىستى وزگە ەلدەن ءونىم اكەلۋدى ۋاقىتشا شەكتەدى. سونداي-اق قىتايعا ەكسپورت ارتىپ، ترانسكاسپيي حالىقارالىق كولىك باعىتىنىڭ دامىپ جاتقانى، مىسىرلىقتار قازاقستان نارىعىنا قىزىعا باستاعانى ءسوز بولدى. ال مۇحيتتىڭ ارعى بەتىندەگى الپاۋىت ا ق ش ەلىمىزدە بيدايدىڭ كوپتەپ وندىرىلگەلى جاتقانىنا زەر سالىپتى. تولىعىراق Kazinform ءتىلشىسىنىڭ شولۋىنان وقىڭىز.

AzerNews: توقايەۆتىڭ تاجىكستانعا ساپارى ەكى ەل بولاشاعىن ايقىندايدى

ورتالىق ازيا - ىنتىماقتاستىق پەن باسەكەلەستىك اراسىنداعى ءوزارا بايلانىس ارقىلى يننوۆاتسيالىق ارىپتەستىك پەن جاڭا مۇمكىندىكتەر تۋعىزاتىن سەرپىندى ءوڭىر. قازاقستاننىڭ تاجىكستانعا، سونداي-اق جالپى وڭىرگە كوزقاراسى ونىڭ «كوپۆەكتورلى ساياساتىنىڭ» كەڭ اۋقىمدى ستراتەگياسىن كورسەتەدى. بۇل شاعىن تالداۋدى AzerNews باسىلىمى جاريا ەتتى.

ماقالادا قازاقستان ءتاسىلى ەكونوميكالىق ءوزارا ءىس-قيمىلدىڭ، ساياسي ديپلوماتيا مەن مادەنيەتتەردىڭ ۇيلەسىمىن بىلدىرەتىنى جازىلعان. پرەزيدەنت قاسىم-جومارت توقايەۆتىڭ باسشىلىعىمەن قازاقستان وڭىرلىك دەرجاۆا رەتىندە عانا ەمەس، نەگىزگى جاھاندىق ەل رەتىندە مارتەبەسىن ارتتىرۋعا تىرىسقان پراگماتيكالىق ءارى ءورشىل كوزقاراسپەن سيپاتتالادى.

- پرەزيدەنت توقايەۆ تاجىكستانعا مەملەكەتتىك ساپارمەن بارار الدىندا ورتالىق ازيانىڭ جانە ودان تىس جەرلەردىڭ نازارى وسى وقيعاعا اۋدى. قازاقستان مەن تاجىكستان ءوزارا قۇرمەت پەن ستراتەگيالىق قاجەتتىلىككە نەگىزدەلگەن قارىم- قاتىناستى قولدايدى. ولاردىڭ سەرىكتەستىگى بەرىك وداققا اينالۋدا جانە ەكى ەل دە تاۋار اينالىمىن 2 ميلليارد دوللارعا دەيىن ۇلعايتۋعا ۇمتىلۋدا، - دەپ جازدى باسىلىم.

دەگەنمەن بۇل ىنتىماقتاستىق سۋ رەسۋرستارىن باسقارۋ سياقتى وڭىرلىك سىن- قاتەرلەرمەن ءجيى سىنالادى. قايتكەن كۇندە دە، پرەزيدەنت توقايەۆتىڭ تاجىكستانعا ساپارى ىنتىماقتاستىق پەن وڭىرلىك ىقپالدىڭ جاڭا داۋىرىنە نەگىز قالاپ، ەكى مەملەكەتتىڭ بولاشاعىن قايتا ايقىنداۋى مۇمكىن.

Anadolu: قازاقستان اۋماعىنا بيداي اكەلۋگە تىيىم سالۋ كۇشىنە ەنبەك

بۇل توسىن حاباردى قازاقستاننىڭ اۋىل شارۋاشىلىعى مينيسترلىگىنە سىلتەمە جاساي وتىرىپ Anadolu مالىمدەدى.

- ستاتيستيكالىق دەرەكتەر بويىنشا، 2024 -جىلدىڭ ءبىرىنشى جارتىجىلدىعىندا بيداي يمپورتى 1,3 ميلليون توننانى قۇراعان، ءىس جۇزىندە بۇل 2023 -جىلدىڭ تولىق يمپورت كولەمىنە تەڭ. ال قازاقستاننىڭ ىشكى نارىعىندا وتكەن جىلعى ەگىننىڭ بيداي قورى جەتكىلىكتى، - دەلىنگەن جاڭالىقتا.

اۋىل شارۋاشىلىعى مينيسترلىگى حابارلاعانداي، قابىلدانعان شارالاردىڭ جانە قولايلى اۋا رايى جاعدايلارىنىڭ ارقاسىندا ۆەدومستۆو ۆەگەتاتسيا كەزەڭىندە استىقتىڭ جاقسى ءتۇسىمىن بولجاپ وتىر، ولار اۋىسپالى قورلاردى ەسكەرە وتىرىپ، استىق نارىعىندا ارتىق ءونىم بولاتىنىنا سەنىمدى.

بۇيرىق 21-تامىزدان باستاپ كۇشىنە ەندى. 2024 -جىلدىڭ 31-جەلتوقسانىنا دەيىن قولدانىستا بولماق.

Trend: ورتالىق ازيانىڭ جەتەكشى ەلى قىتايعا ەكسپورتتى ارتتىرادى

قازاقستان مەن قىتاي اراسىنداعى تاۋار اينالىمىنىڭ كولەمى 2023 -جىلدىڭ سايكەس كەزەڭىمەن سالىستىرعاندا 3,8 پايىزعا (13,6 ميلليارد دوللار) ءوسىپ، 2024 -جىلدىڭ قاڭتار- ماۋسىم ارالىعىنداعى كەزەڭدە 14,1 ميلليارد دوللاردى قۇرادى. قازاقستاننىڭ ۇلتتىق ستاتيستيكا بيۋروسىنىڭ بۇل ەسەبىن Trend جاريا ەتتى.

جەكەلەي قاراستىراتىن بولساق، بۇل رەتتە كورسەتىلگەن كەزەڭدە قىتايعا ەكسپورت 7,32 ميلليارد دوللار بولعان. وتكەن جىلمەن سالىستىرعاندا 16,6 پايىزعا كوپ. ال قىتايدان كەلەتىن يمپورت 2024 -جىلدىڭ قاڭتارىنان ماۋسىمىنا دەيىن 7,2 پايىزعا تومەندەپ، 6,8 ميلليارد دوللاردى قۇراعان.

بۇدان بولەك، ازەربايجان باسلىمى ترانسكاسپي حالىقارالىق كولىك باعىتى قازاقستاننىڭ جۇك تاسىمالىنىڭ وسۋىنە ىقپال ەتەتىنىن جازعان.

قازاقستاندا تەڭىز جانە جاعالاۋ كولىگىمەن جۇك تاسىمالداۋ كولەمى 2024 -جىلدىڭ قاڭتار- شىلدە ارالىعىندا 1,6 ميلليون تونناعا جەتتى. بۇل 2023 -جىلدىڭ سايكەس كەزەڭىمەن سالىستىرعاندا 2,1 ەسە ارتىق. باسىلىم اتالعان كورسەتكىشتىڭ كەيىنگى بەس جىلداعى ەڭ جوعارى دەڭگەي ەكەنىنە باسا نازار اۋدارعان.

Daryo: مىسىرلىق باۋ-باقشا قۇلپىنايى قازاقستان نارىعىن جاۋلاپ جاتىر

مىسىر قازىر قازاقستانعا باۋ-باقشا قۇلپىنايى بويىنشا ەكسپورتتا كوش باستاپ تۇر. اتالعان جاڭالىقتى وزبەكستاندىق ينتەرنەت- باسىلىم Daryo جەتكىزدى.

2022-2023 -جىلدىڭ شىلدە مەن ماۋسىمىندا مىسىر قازاقستانعا 280 توننا قۇلپىناي ەكسپورتتاپ، ورتالىق ازياداعى ەل نارىعىن العاشقى ۇشتىككە قوستى. بۇل ونىڭ الدىنداعى ءتورت ماركەتينگتىك جىلمەن سالىستىرعاندا ەداۋىر كوپ، ول كەزدەردە جىل سايىنعى ەكسپورت بار بولعانى 5-تەن 23 تونناعا دەيىن بولعان.

EastFruit دەرەكتەرىنە سىلتەمە جاساي وتىرىپ، Daryo 2023-2024 ماركەتينگتىك جىلدىڭ سوڭىنا قاراي ەگيپەت 1400 توننا ەكسپورتپەن ءوز پوزيتسياسىن نىعايتقان. جاڭا پىسكەن قۇلپىنايدىڭ 55 پايىزىن قازاقستانعا جونەلتكەن.

ە و، تاياۋ شىعىس جانە رەسەي مىسىرلىق جەمىستەر مەن كوكونىستەردىڭ نەگىزگى يمپورتتاۋشىلارى بولىپ قالا بەرەدى. الايدا مىسىر قوسىمشا بالامالى نارىقتار ىزدەۋگە ۇمتىلۋدا.

World-Grain: قازاقستان بيداي ءوندىرىسىن ارتتىرادى

ا ق ش اۋىل شارۋاشىلىعى مينيسترلىگىنىڭ Foreign Agriculture Service (FAS) بولىمشەسىنىڭ ەسەبىنە سايكەس، قازاقستان قولايلى اۋا رايىنىڭ ارقاسىندا بيىل مول ءونىم كۇتىپ وتىر. كۇزگى استىق جيناۋ ناۋقانىنىڭ بولجامى ايتارلىقتاي جاقسى. مالىمەتتى استىق سالاسى تۋرالى جازاتىن World-Grain باسىلىمى ءبولىستى.

2024-2025 -جىلدارداعى بيداي ءوندىرىسى 15,8 ميلليون توننانى قۇرايدى دەپ بولجانعان. ال 2023-2024 -جىلدارداعى ءوندىرىس 12,1 ميلليون توننا بولعان ەدى. ەندى ەكسپورت 8,5 ميلليون توننادان 10,5 ميلليون تونناعا ارتۋعا ءتيىس.

باسىلىم حابارلاعانداي، 2024-2025 -جىلدارى ارپا ءوندىرىسى 3,4 ميلليون تونناعا باعالانادى، بۇل وتكەن جىلمەن سالىستىرعاندا 2,6 ميلليون تونناعا ارتىق. ءوز كەزەگىندە ەكسپورت 1,6 ميلليون توننا بولادى دەپ كۇتىلۋدە (الدىڭعىسى 1,2 ميلليون توننا).

ت ا س س: قازاقستان وپەك+ اياسىندا مۇناي ءوندىرۋ جوسپارىن قايتا قارايدى

قازاقستان بيلىگى وپەك+ كەلىسىمى اياسىندا مۇناي ءوندىرۋدى وتەۋ جوسپارىن قايتا قاراپ، ونى بىرلەستىكتىڭ حاتشىلىعىنا ۇسىنباق. مۇنى ق ر ەنەرگەتيكا مينيسترلىگىنە سىلتەمە جاساپ، تاسس مالىمدەدى.

- قازاقستان وپەك + كەلىسىمىنە ادالدىعىن راستايدى جانە بىرلەستىككە مۇشە ەلدەرمەن بىرلەسىپ قابىلداناتىن شەشىمدەردى قولدايدى. قازاقستان وتەماقى جوسپارىن، سونىڭ ىشىندە شىلدەدەگى ارتىق ءوندىرىستى وزەكتەندىرىپ، وپەك حاتشىلىعىنا جىبەرەدى، - دەلىنگەن حابارلامادا.

ۆەدومستۆو اتاپ وتكەندەي، استانا ءوز مىندەتتەمەلەرىن ورىنداۋعا جانە وتەماقى جوسپارىنا سايكەس ارتىق ءوندىرىستى وتەۋگە بار كۇشىن سالماق.

اۆتور

ماديار تولەۋوۆ