الەمدىك ب ا ق- تاعى قازاقستان: Apple-داعى قازاق، ساتىلعان ازاماتتىق جانە تولەم توقتامى

بۇل اپتادا الەمدىك باسىلىمدار قازاقستان جايلى ءبىرشاما جاڭالىق جاريالادى. Apple كومپانياسىندا قازاق جىگىتىنىڭ باسشىلىق قىزمەتكە تاعايىندالعانى، رەسەيمەن شەكارادا وتكىزۋ پۋنكتىنىڭ ۋاقىتشا توقتاتىلعانى قىزۋ تالقىلاندى.

اا
Инфографика: Kazinform

وعان قوسا زاڭسىز بەرىلگەن قازاقستان ازاماتتىعى، بانك سەكتورىنداعى شەتەلدىكتەرگە ارنالعان ساياسات پەن ازەربايجانمەن جاسالعان قارجى اۋدارىمى ءسوز بولىپتى. تولىعىراق Kazinform ءتىلشىسىنىڭ شولۋىنان وقىڭىز.

TACC: قازاقستان شەتەلدىكتەرگە بانك كارتاسىن جاساتۋدىڭ مەرزىمىن شەكتەدى

قازاقستان بيلىگى شەتەلدىكتەرگە 12 ايدان ۇزاق مەرزىمگە بانك كارتالارىن بەرۋدى توقتاتتى. قارجى نارىعىن رەتتەۋ جانە دامىتۋ اگەنتتىگى حابارلاعانداي، بۇل قادام «ناشاقورلىق پەن سيفرلىق اكتيۆتەردى زاڭسىز اينالىمعا سالۋ سالاسىنداعى قاۋىپتەردى ازايتۋ» ماقساتىندا قابىلدانعان. مالىمەتتى رەسەيلىك TACC ءبولىستى.

ءار شەتەلدىك ازاماتقا ءبىر عانا كارتا بەرىلەدى. قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە، مۇنداي شەكتەۋ شارالارى بانك سالاسىنداعى زاڭسىز ارەكەتتەردىڭ الدىن الۋعا باعىتتالعان. ءبىراق جاڭا ەرەجە ينۆەستورلارعا، كاسىپكەرلەرگە جانە ديپلوماتتارعا قاتىستى ەمەس جانە بۇرىن شىعارىلعان كارتالارعا دا اسەر ەتپەيدى.

سونىمەن قاتار وتكەن جىلى جەلتوقسان ايىندا قازاقستاننىڭ رەسەيدەگى ەلشىلىگىنىڭ سايتىندا اقپارات جاريالاندى. وندا قازاقستان تاراپى 2025-جىلعى 1-قاڭتاردان باستاپ شەتەلدىك ازاماتتارعا شەتەلدىك مەكەمەلەر ارقىلى جەكە سايكەستەندىرۋ ءنومىرىن (ج س ن) بەرۋدى توقتاتاتىنى حابارلاعان. مۇنداي ءنومىر قازاقستان بانكىندە شوت اشۋ ءۇشىن قاجەت ەدى. ەندى ونى قازاقستان اۋماعىنداعى حالىققا قىزمەت كورسەتۋ ورتالىعى ارقىلى عانا الۋعا بولادى.

ايتا كەتەيىك، 2022-جىلدان 2024-جىلعا دەيىن 695 مىڭعا جۋىق رەسەيلىك جەرگىلىكتى بانك كارتالارىن جاساتقان، ال قازاقستاننىڭ ىشكى ىستەر مينيسترلىگىنىڭ مالىمەتى بويىنشا، وتكەن جىلى 233 مىڭ رەسەيلىك قازاقستاننىڭ مەملەكەتتىك يدەنتيفيكاتسيالاۋ ءنومىرىن العان.

Report: زاڭسىز ازاماتتىق الىپ بەرگەندەر ۇستالدى

استانانىڭ ەكى تۇرعىنى قىرعىزستان، تاجىكستان، ازەربايجان جانە رەسەي فەدەراتسياسىنان كەلگەن 49 شەتەلدىككە زاڭسىز ق ر- نىڭ ازاماتتىعىن جانە ۋاقىتشا تۇرۋعا ارنالعان رۇقسات الىپ بەرگەن. ولاردىڭ ءبىرى جالعان نەكە كۋالىگىن، مەديتسينالىق انىقتاماسىن جانە باسقا دا قۇجاتتى جاساپ، ەكىنشىسى كليەنتتەردى تاۋىپ، بىرىنشىسىمەن بايلانىستىرعان. اقپاراتتى Report تاراتتى.

قىلمىستىق ءىس-ارەكەتتىڭ ناتيجەسىندە ءار شەتەلدىكتەن 80 مىڭنان 1 ميلليون تەڭگەگە دەيىن تابىس تاپقان. سوتتا مەملەكەتتىك ايىپتاۋشى سوتتالۋشىلاردىڭ كىناسىن دالەلدەپ، ولارعا 1 جىل 6 اي جانە 2 جىلعا باس بوستاندىعىنان ايىرۋ جازاسى تاعايىندالدى.

قىلمىسكەرلەردەن زاڭسىز الىنعان 107 مىڭ ا ق ش دوللارى، 2,5 ميلليون تەڭگە جانە 200 مىڭ رۋبل سوماسىندا اقشالاي قاراجات تاركىلەنگەن. قازىرگى تاڭدا سوت ۇكىمى زاڭدى كۇشىنە ەندى.

daryo:قازاقستان ازاماتى Apple-دە باسشى بولىپ تاعايىندالدى

29 جاستاعى قازاقستاندىق ءادىلحان قوپابايەۆ الەمگە ايگىلى Apple كومپانياسىنىڭ ورتالىق ازيا مەن ارمەنيا ايماعىنداعى قىزمەتىن قاداعالايتىن باسشى رەتىندە تاعايىندالدى. ول قىزمەتىن دۋبايداعى كەڭسەدەن اتقاراتىن بولادى. ءسۇيىنشى جاڭالىقتى Daryo جەتكىزدى.

قىزمەتى تۋرالى اقپاراتتى ءادىلحان ءوزىنىڭ الەۋمەتتىك جەلىدەگى پاراقشاسىندا ءبولىستى: «مەن Apple Inc. كومپانياسىنا ورتالىق ازيا مەن ارمەنياداعى مەملەكەتتىك ساياسات جانە ۇكىمەتتىك بايلانىستار ءبولىمىنىڭ باسشىسى رەتىندە قوسىلعانىمدى قۋانا حابارلايمىن»، - دەدى ول.

جاڭا باسشى قازاقستاننىڭ اقتوبە قالاسىندا دۇنيەگە كەلگەن. 2017-جىلى وڭتۇستىك كورەياداعى ۋلسان ۇلتتىق عىلىم جانە تەحنولوگيا ينستيتۋتىن (UNIST) «ۋربانيست-ينجەنەر جانە تەحنولوگيالىق مەنەدجمەنت» ماماندىعى بويىنشا بىتىرگەن. كەيىن بەدەلدى UNIST Global Uni-Star ستيپەندياسىنىڭ يەگەرى اتاندى. 2021-جىلى قوپابايەۆ ا ق ش- تىڭ پروۆيدەنس قالاسىنداعى براۋن ۋنيۆەرسيتەتىندە مەملەكەتتىك باسقارۋ بويىنشا ماگيستراتۋرانى اياقتاپ، روكفەللەر قورىنىڭ ستيپەندياسىن يەلەندى.

Apple كومپانياسىنا دەيىن ءادىلحان حالىقارالىق كونسالتينگتىك جانە IT كومپانيالاردا قىزمەت اتقارعان. 2023-جىلدان باستاپ ق ر ەنەرگەتيكا مينيسترلىگىنە قاراستى «مۇناي جانە گاز اقپاراتتىق-تالداۋ ورتالىعىن» باسقاردى جانە قازاقستاننىڭ مۇناي-گاز سالاسىنىڭ «جاعدايلىق- تالداۋ ورتالىعى» باسقارماسىنىڭ ءتوراعاسى بولدى. وتكەن جىلى قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى كەڭەسىنىڭ قۇرامىنا ەندى.

Anadolu: قازاقستان-رەسەي شەكاراسىنداعى 2 وتكىزۋ پۋنكتى ۋاقىتشا توقتاتىلادى

بيىل 1-اقپاننان باستاپ ورىنبور وبلىسىنداعى ورسك جانە ماشتاكوۆو اۆتوكولىك وتكىزۋ پۋنكتتەرى ارقىلى كولىك پەن جۇك تاسىمالىنىڭ ۋاقىتشا توقتاتىلاتىنى بەلگىلى بولدى. رەسەي فەدەراتسياسىنىڭ مەملەكەتتىك شەكارا قىزمەتىنىڭ رەسمي اقپاراتىن تۇركيالىق Anadolu حابارلادى.

بەلگىلى بولعانداي، پۋنكتەردىڭ جۇمىسىن توقتاتۋ قازاقستاننىڭ «اليمبەت» (اقتوبە وبلىسى) جانە «سىرىم» (باتىس قازاقستان وبلىسى) وتكىزۋ پۋنكتتەرىنىڭ جوسپارلى جوندەۋگە جابىلۋىنا بايلانىستى قابىلدانعان. قازاقستان تاراپىنان الىنعان مالىمەتكە سايكەس، قايتا جاڭارتۋ جۇمىستارى 16 ايعا دەيىن جالعاسۋى مۇمكىن.

ەكى وتكىزۋ پۋنكتىندە مەملەكەتتىك باقىلاۋ پروتسەدۋرالارىنىڭ قاشان قايتا باستالاتىنى تۋرالى اقپارات الداعى ۋاقىتتا حابارلاناتىنى ايتىلعان. قوس تاراپ رەسەي-قازاق شەكاراسىن كەسىپ ءوتۋ كەزىندە وسى اقپاراتتى ەسكەرۋدى نەمەسە باسقا مارشرۋتتار ارقىلى ءوتۋدى ۇسىنۋدا. مىسالى، يلەك (تەك رەسەي مەن قازاقستان ازاماتتارى ءۇشىن)، تەپلوە (تەك رەسەي مەن قازاقستان ازاماتتارى ءۇشىن)، سۆەتلىي جانە ساگارچين وتكىزۋ پۋنكتتەرى ارقىلى وتۋگە بولادى.

Trend: ازەربايجان مەن قازاقستان اراسىندا اقشا اۋدارىمى ارتتى

2024-جىلدىڭ 9 ايىندا ازەربايجاننان قازاقستانعا 7,23 ميلليون دوللار اۋدارىلعان. بۇل الدىڭعى جىلدىڭ كورسەتكىشىمەن سالىستىرعاندا %51,87 عا ارتىق دەگەن ءسوز. دەرەكتى Trend اقپارات اگەنتتىگى ازەربايجان ورتالىق بانكىنە سىلتەمە جاساپ جازدى.

ازەربايجان ورتالىق بانكىنىڭ مالىمەتتەرىنە سايكەس، بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 51,87 پايىزعا نەمەسە 2,5 ميلليون دوللارعا ۇلعايدى. قازاقستانعا اۋدارىمداردىڭ جالپى كولەمىندەگى ۇلەسى 1,8 پايىزدى قۇراعان.

2023-جىلدىڭ قورىتىندىسى بويىنشا جەكە تۇلعالاردىڭ ازەربايجاننان قازاقستانعا اقشا اۋدارىمدارىنىڭ كولەمى 7,476 ميلليون ا ق ش دوللارىنا جەتكەن ەدى. ەسكە سالايىق، 2023-جىلدىڭ قورىتىندىسى بويىنشا جەكە تۇلعالاردىڭ شەت ەلدەردەن ءازىربايجانعا اقشا اۋدارىمدارىنىڭ كولەمى 1,654 ميلليارد ا ق ش دوللارىن قۇرادى.

سوڭعى جاڭالىقتار