الەمدەگى ەڭ زيان تاعامدار اتالدى
زاماناۋي گاسترونوميالىق يندۋستريا ءتۇرلى ونىمدەر مەن تاعامدار ۇسىنىپ جاتىر. الايدا ولاردىڭ بارلىعى بىردەي پايدالى ەمەس. Eat This Not That ەڭ زيان تاعامداردى ۇسىندى.
بەكون
بەكون - ءجيى نيتريتتەر، ناتريا نيتراتى، ناتريا فوفاتى سەكىلدى جاساندى ينگرەديەتتەر قوسىلاتىن وڭدەلگەن ەت. ولار قارتايۋدىڭ جىلدامداۋىنا، قان تامىرلاردىڭ زاقىمدالۋىنا، ءسۇت بەزى قاتەرلى ىسىگىنە جانە پروستاتاعا اكەلەدى.
ءسۇتتى كوكتەيلدەر (ميلكشەيك)
ولار وتە ءدامدى، ءبىراق بۇل سۋسىندا قۇنارلى زاتتار جوق ەكەنىن ءبىلۋ كەرەك. ادەتتە، ولارعا قانتتى كوپ قوسادى. ال قوسىلعان قانتتىڭ كوپ بولۋى دايبەت جانە جۇرەك اۋرۋلارىنىڭ دامۋ قاۋپىن ارتتىرادى. وعان قوسا، ونىڭ قۇرامىندا حولەستەريننىڭ ارتۋىنا جانە جۇرەك پروبلەماسىنا اكەلەتىن قانىققان مايلار كوپ.
كوفەگە ارنالعان كىلەگەي
كوفەگە ارنالعان كىلەگەيلەردىڭ قۇرامىندا قانت، وسىمدىك مايى، مونو- جانە ديگليتسەريدتەر سەكىلدى سينتەتيكالىق قوسىمشالار بولادى. مونوگليتسەريدتەر از مولشەردە قاۋىپسىز، دەسە دە، ولاردا ترناسمايلار بار. ال ترانسمايلار حولەستەرين دەڭگەيىن كوبەيتەدى، جۇرەك اۋرۋلارى جانە ديابەتتىڭ دامۋ قاۋپىن ارتتىرادى.
ديەتالىق گازدالعان سۋسىندار
ديەتالىق گازدالعان سۋسىنداردا جاساندى بوياعىشتار مەن جاساندى قانتتار بولادى. بارلىق دەرلىك تانىمال ديەتالىق گازدالعان سۋسىنداردىڭ قۇرامىدا اسپارتام بار. ول ارىقتاۋعا ارنالىپ جاسالىنعان جاساندى تاتتىلەندىرگىش. الايدا ونىڭ گليۋكوزا دەڭگەيىن ارتتىراتىنى جانە باۋىرعا كۇش تۇسىرەتىنى انىقتالدى. زەرتتەۋلەر اسپارتامنىڭ قاتەرلى ىسىك قاۋپىن ارتتىراتىنىن دا كورسەتكەن.
دۇكەندە ساتىلاتىن قامىر
دايىن قامىردى پايدالانۋ ۋاقىتىڭىزدى ۇنەمدەيدى، ءبىراق ول دەنساۋلىققا پايدالى ەمەس. كەي دايىن قامىرلاردا كونسەرۆانتتار جانە مارگارين بولادى.
مارگارين
كوپشىلىك مارگاريندە پالما مايى بولادى. ونىڭ قۇرامىندا قانىققان ماي دەڭگەيى جوعارى. زەرتتەۋلەر، پايلما مايى جۇرەك-قان تامىرلار اۋرۋلارىنىڭ دامۋىنا اسەر ەتەتىنىن دالەلدەگەن.
سورپاعا ارنالعان تەكشەلەر
مۇنداي قوسپالاردا دا پالما مايى بولادى.
