الەمدى وزگەرتۋ ءۇشىن – ب ۇ ۇ ديماشتىڭ نەلىكتەن ىزگى نيەت ەلشىسى بولعانىن ايتتى

Димаш Кудайберген
Фото: instagram/Dimash Qudaibergen

استانا. KAZINFORM - اقپان ايىنىڭ باسىندا الەمگە ايگىلى ءانشى ءارى كومپوزيتور ديماش قۇدايبەرگەن حالىقارالىق كوشى-قون ۇيىمىنىڭ (ح ك ۇ) ىزگى نيەت ەلشىسى اتاندى.

Kazinform اگەنتتىگىنىڭ مەنشىكتى ءتىلشىسى ۇيىممەن بايلانىسىپ، ديماشتىڭ بۇل مىندەتى ورتالىق ازيا مەن تاياۋ شىعىستاعى ميگرانتتارعا قاتىستى داعدارىستى جاعدايدى شەشۋگە قالاي اسەر ەتەتىنىن جانە ونىڭ وسىنداي ماڭىزدى جۇمىسقا نەلىكتەن تاڭدالعانىن ءبىلدى.

Kazinform ح ا ا تىلشىسىنە بەرگەن سۇحباتىندا حالىقارالىق كوشى-قون ۇيىمىنىڭ باس ديرەكتورى ەمي پوۋپ حانىم ديماش قۇدايبەرگەن الەمدى جاقسى جاققا وزگەرتۋگە دەگەن ۇمتىلىسىنىڭ ارقاسىندا تاڭدالعانىن ايتتى.

- پوۋپ حانىم، حالىقارالىق كوشى-قون ۇيىمىنىڭ، ونىڭ ىشىندە ۇيىمنىڭ ورتالىق ازيا ايماعىنداعى نەگىزگى قىزمەتى تۋرالى ايتىپ بەرە الاسىز با؟

- حالىقارالىق كوشى-قون ۇيىمى ميگرانتتار ءۇشىن قاۋىپسىز جانە زاڭدى جولدار قۇرۋ، داعدارىس جاعدايىندا ميگرانتتاردى قورعاۋ جانە كوشى-قوننىڭ بارلىعىنا ءتيىمدى بولۋىن قامتاماسىز ەتۋ ءۇشىن جۇمىس ىستەيدى. ميلليونداعان ادامدار نەگىزىنەن جاقسى جۇمىس تابۋ ءۇشىن ورتالىق ازيانى بەتكە الادى. تۋربۋلەنتتىك كەزەڭدە بۇل ادامدارعا قاۋىپسىز تۇردە كومەكتەسۋ - ءبىزدىڭ ايماقتاعى باسىمدىلىقتارىمىزدىڭ ءبىرى.

- ۇيىمنىڭ ەلشىلەرى مەن وكىلدەرىن ىرىكتەۋدە نەلىكتەن تاڭداۋ وتانداسىمىز ديماش قۇدايبەرگەنگە ءتۇستى؟ ۇيىم ۇمىتكەرلەردى باعالاۋ ءۇشىن قانداي كريتەرييلەرگە سۇيەندى جانە ىرىكتەۋ شارتتارى قانداي؟

- ايماقتىق جانە ۇلتتىق ىزگى نيەت ەلشىلەرىن ءوز ەلدەرىندەگى ح ك ۇ وكىلدەرى رەسمي تۇردە تاعايىندادى، ولاردى كوشباسشى جانە ۇلگى رەتىندە انىقتادى. سونىمەن قاتار ولار ادۆوكاتتىق جانە الەۋمەتتىك ماسەلەلەرگە بەرىك مىندەتتەمە كورسەتتى. مۇقيات باعالاۋدان كەيىن ديماش قۇدايبەرگەن ءوزىنىڭ كۇشتى داۋىسى، ميلليونداعان جاس ءىزباسارلارىنا جاقسى جانە كەڭ اسەر ەتۋ ءۇشىن الەمدى وزگەرتۋگە دەگەن ۇمتىلىسىنىڭ ارقاسىندا تاڭدالدى.

ءبىز ونى ح ك ۇ- نىڭ ىزگى نيەتتى ەلشىلەر توبىنا جانە ونىڭ بۇكىل الەم بويىنشا قونىس اۋدارۋشىلار مەن وسال قاۋىمداستىقتاردى قولداۋ ءۇشىن ءوز پىكىرىن بىلدىرە الاتىنىنا قۋانىشتىمىز.

- ءدال قازىر الەمدە كۇردەلى قاقتىعىستار بولىپ جاتىر. سولاردىڭ ءبىرى - تاياۋ شىعىستاعى جاعداي. حالىقارالىق كوشى-قون ۇيىمى وسى وڭىردە نەندەي جۇمىستار اتقارىپ جاتىر؟

- ح ك ۇ گازا مەن ايماقتاعى ارەكەتكە قولداۋ كورسەتۋ ءۇشىن ب ۇ ۇ- نىڭ باسقا اگەنتتىكتەرىمەن تىعىز جۇمىس ىستەۋدە. حالىقتىڭ باسىم بولىگى قونىس اۋدارعاندىقتان، بەيبىت تۇرعىنداردى باسپانامەن قامتاماسىز ەتۋ جانە شۇعىل كومەك كورسەتۋ جۇمىستارى وتە ماڭىزدى.

- ديماش قۇدايبەرگەننىڭ ح ك ۇ ەلشىسى بولىپ تاعايىندالۋى ۇيىم جۇمىسىن جاقسارتۋعا قالاي ىقپال ەتەدى دەپ ويلايسىز؟

- ءبىزدىڭ ىزگى نيەت ەلشىلەرىمىز ميگرانتتاردىڭ قوعامعا جانە جاھاندىق ەكونوميكالىق وسۋگە قوسقان وڭ ۇلەسىن كورسەتۋگە سەپتىگىن تيگىزەدى. ديماش بىزگە وسى ماڭىزدى تاقىرىپتارعا نازار اۋدارۋعا كومەكتەسەدى. ول جانە باسقا ەلشىلەر شابىتتاندىراتىن تۇلعالار، جانە ءبىز ولاردىڭ جۇمىسىمىزعا قولداۋ كورسەتكەنى ءۇشىن العىس ايتامىز.

- تانىمال ەمەس ادام ۇيىمنىڭ ەلشىسى نەمەسە وكىلى بولا الا ما؟

- ح ك ۇ ىزگى نيەت ەلشىلەرىنىڭ جەلىدە كوپتەگەن وقىرمانى بار جانە ولار وزدەرىنىڭ الەۋمەتتىك ارنالارى ارقىلى بىزگە قونىس اۋدارعان ادامداردىڭ قۇقىقتارىن قورعاۋعا كومەكتەسەدى. ءبىز سونداي-اق حابارلارىمىزدى تاراتۋعا كومەكتەسەتىن اسەر ەتۋشىلەرمەن جۇمىس ىستەيمىز. ىزگى نيەت ەلشىسى بولۋ ءۇشىن ناقتى تالاپتار بار، اركىمنىڭ ءوز الەۋمەتتىك ارنالارى ارقىلى ميگرانتتاردى «ونلاين» قورعاۋعا مۇمكىندىگى بار جانە ءبىز جۇمىسىمىزدى قولدايتىن جانە ميگرانتتار تۋرالى حابارلامالارىمىزدى بولىسەتىندەردىڭ بارلىعىن باعالايمىز جانە العىس ايتامىز.

اۆتور

ەركەجان سماعۇلوۆا

سوڭعى جاڭالىقتار