الەمدەگى قىزىقتى سالت-داستۇرلەر

استانا. قازاقپارات - «ءار ەلدىڭ سالتى باسقا، يتتەرى قارا قاسقا» دەگەن ءسوز بار. ءبىز ءۇشىن قالىپتى جايتكە اينالعان دۇنيەلەرگە باسقا ەلدىڭ وكىلدەرى ۇلكەن ىقىلاسپەن ءمان بەرەدى. نەمەسە باسقا ۇلت مانسۇق ەتكەن دۇنيەنى ءبىز قاستەرلەپ، قادىر تۇتاتىمىز. ماسەلەن...

كەنيادا جاس جۇبايلار شاڭىراق كوتەرگەن سوڭ، وتاعاسى ءبىر اي بويى ايەلدىڭ كيىمىن كيىپ، ايەلى اتقاراتىن جۇمىستى ءوزى ىستەيدى ەكەن.

بۇل ءومىر بويى ايەل بولۋدىڭ قانداي ەكەنىن، ماشاقاتى مەن باقىتى قانداي بولاتىنىن بىلە ءجۇرۋ ءۇشىن.

گەرمانيادا جاڭا جىل ءتۇنى ساعات 00.00 بولعان كەزدە وتباسى مۇشەلەرى جاسىنا قاراماستان ءبىر-ءبىر ۇستەلدىڭ ۇستىنە شىعىپ، سەكىرەدى ەكەن. بۇل ءراسىم ءالى كۇنگە دەيىن جالعاسىپ كەلەدى.

جاپونيا مەن نوۆەگيادا گۇلدى تەك جۇپ سانمەن ولشەپ بەرەدى ەكەن. ەگەر تاق سانمەن بەرىلسە، جۇپسىز قالعان ءبىر تال گۇل جالعىزسىراپ، باقىتسىز بولىپ قالادى ەكەن. كەي ەلدەردە گۇلدى تەك تاق سانمەن بەرەتىنى دە ەسىمىزدە.

كەيبىر شىعىس ەلدەرىندە شايدى كەسەگە تولتىرماي قۇيىپ بەرەدى. قوناق قايتا-قايتا شاي سۇراۋدان جالىعىپ كەتسە، وعان تولتىرىپ قۇيىپ بەرەدى. ال، تولتىرىپ بەرگەن كەسەدەگى شايدى تاۋىسقان ادام دەرەۋ ۇيىنە قايتادى ەكەن.

مەكسيكادا جىلىنا ءبىر رەت ءدىننىڭ راسىمىنەن بولەك مارقۇم بولعانداردى ەسكە الۋ ءداستۇرى بار ەكەن. مارقۇمنىڭ جاقىندارى بەيىتىنىڭ باسىنا گۇلدەر، كۇيتاباقتار مەن كيىمدەر اپارادى ەكەن. سودان كەش باتقاندا ارمانسىز كوڭىل كوتەرىپ، تويلاتادى ەكەن. ەڭ باستىسى، قايعىرىپ، كوڭىل بوساتپاۋ ەكەن.

دانيا ەلىندە جاڭا جىل مەيرامىندا كورشىلەرىنىڭ ەسىگىنە فارفوردان جاسالعان ىدىستاردى سىندىرادى ەكەن. ايتسە دە، وعان رەنجىپ، شۋ شىعارىپ جاتقان ەشكىم بولمايدى. بارلىعى دا باقىت ءۇشىن جاسالادى. ءتىپتى، شىنى سىنىقتارى دا بىرنەشە كۇن جينالماي جاتادى ەكەن.

ەگەر ءسىز الدا-جالدا گرەكتەردىڭ ۇيىندە قوناقتا بولساڭىز، جاتاقاپ ءۇيىن ماقتاۋىڭىز قاجەت. ويتكەنى، ءسىز وسى ماقتاۋىڭىز ارقىلى ءۇي يەسىنەن وزىڭىزگە ۇناعان كەز كەلگەن دۇنيەنى سۇراپ الۋىڭىزعا بولادى.

ءۇندىستاننىڭ الدەبىر شتاتىندا مىناداي ءبىر ءراسىم بار ەكەن. بويجەتكەن قىز كەز كەلگەن ەر ادامعا تۇرمىسقا شىعىپ، ءۇش كۇن نەكەدە بولعان سوڭ قايتا باسىنا بوستاندىق الۋىنا بولادى. ەڭ قىزىعى، سودان كەيىن ول قالاي ءومىر سۇرسە دە، نە ىستەسە دە ەركى بىلەدى.

تايلاند ەلىندە كوشەدە كەتىپ بارا جاتقان جولاۋشىلاردى شۋعا شومىلدىراتىن سونگ كران اتتى ءراسىم بار ەكەن. وعان اشۋلانىپ، ەشكىم قارسى شىقپاۋى ءتيىس. كىم مالمانداي سۋ بولسا، سول باقىتتى بولادى ەكەن.

«el.kz»