الەمدەگى ەڭ قىمبات مەكتەپتەر جايلى بىلەسىز بە؟

استانا. KAZINFORM – ەلىمىزدە ورتا ءبىلىم بەرۋ سالاسى - ۇنەمى تالقىلاناتىن تاقىرىپ. ازاماتتارىنىڭ كەيبىرەۋىنە ەلدەگى ورتا ءبىلىم ساپاسى ۇنامايدى. 

ساراپشىلاردىڭ پىكىرىنشە، جەكە مەكتەپتەردىڭ دامۋى ورتا ءبىلىم سالاسىندا باسەكەلەستىك تۋعىزىپ، ءبىلىم ساپاسىن ارتتىرادى. ال كەيبىر ساراپشىلار، كەرىسىنشە ورتا ءبىلىم بيزنەس كوزىنە اينالماۋى ءتيىس دەگەن پىكىردى ۇستانادى. ساپالى ورتا ءبىلىمدى مەملەكەت قامتاماسىز ەتۋى ءتيىس دەپ ەسەپتەيدى.

قالاي دەسەك تە الەمدە جەكە ءبىلىم بەرۋ مەكتەپتەرى تاجىربيەسى جوعارى دەڭگەيدە دامىعان. ەۋروپالىقتار ساپالى ءبىلىم ينۆەستيتسيانى قاجەت ەتەدى دەپ سانايدى. الەمدەگى ەڭ قىمبات جەكە ءبىلىم بەرۋ مەكتەپتەرى قانداي؟ ولار نەگە قىمبات؟ اتا- انالار بالالارىن مۇنداي قىمبات مەكتەپتەرگە نە ءۇشىن وقىتادى؟ وسىنداي سۇراقتارعا جاۋاپ ىزدەپ كورمەكپىز.

الەمدەگى ەڭ قىمبات مەكتەپتەر

Institut Auf Dem Rosenberg

جىلىنا - 87,4 مىڭ دوللار. مۇندا ولار ءار بالاعا ءتان قابىلەتتەردى دامىتۋعا جانە ءارقايسىسىنا جەكە نازار اۋدارۋعا تىرىسادى. سوندىقتان سىنىپتا ورتا ەسەپپەن سەگىز وقۋشى عانا وقيدى. Auf Dem Rosenberg ينستيتۋتى ءۇش وقۋ ءبولىمىن (نەمىس-شۆەيتساريالىق، حالىقارالىق جانە يتالياندىق) جانە بەس اكادەميالىق باعدارلامانى ۇسىنادى: شۆەيتساريالىق، نەمىس، يتاليان، بريتاندىق جانە امەريكاندىق.

دەمالىس كۇندەرى ەۋروپا قالالارىنا ەكسكۋرسيالار، كورمەلەرگە بارۋ، سپورتتىق ساپارلار ۇيىمداستىرىلادى. مەكتەپتىڭ ماڭىزدى داستۇرلەرىنىڭ ءبىرى - اتا-انالاردى، دوستاردى جانە تۇلەكتەردى شاقىراتىن جىل سايىنعى بال. بۇل اركىم ءوز جەتىستىكتەرىن كورسەتە الاتىن نەمەسە شىعارماشىلىق جاعىنان اشا الاتىن ءسات.

Lyceum Alpinum Zuoz

جىلىنا - 87,6 مىڭ دوللار. Lyceum alpinum Zuoz فيزيكالىق جانە رۋحاني كەمەلدىككە ۇمتىلادى. وقۋشىلار شاڭعى جانە مانەرلەپ سىرعاناۋمەن اينالىسادى. حوككەي، فۋتبول، تەننيس جانە گولف وينايدى، كاراتە، بوكس جانە پيلاتەس سەكتسيالارىنا قاتىسادى، تۋرنيرلەر مەن چەمپيوناتتارعا بارادى.

مۇنىڭ ءبارى كەرەمەت اكادەميالىق دايىندىقتى جوققا شىعارمايدى. جاراتىلىس تانۋ، ەكونوميكا جانە قۇقىق، ونەر جانە كەسكىندەمەگە باسا نازار اۋدارا وتىرىپ، باستاۋىش سىنىپتار مەن بىرنەشە ورتا مەكتەپ باعدارلامالارىنان باسقا Lyceum alpinum Zuoz-دا بيزنەس مەكتەبى بار. ساباقتار نەمىس نەمەسە اعىلشىن تىلدەرىندە جۇرگىزىلەدى.

مەكتەپ سيۋريحتەن 200 شاقىرىم قاشىقتىقتا ورنالاسقان كىشكەنتاي كوركەم اۋىلدا ورنالاسقان. ستۋدەنتتەردىڭ كوپ بولىگى شۆەيتساريالىقتار مەن نەمىستەر، تەك 25 پايىزى باسقا ەلدەردەن. سپورتپەن قاتار بالالار تەاتر ونەرىمەن، مۋزىكامەن جانە كەسكىندەمەمەن اينالىسادى. شەشەندىك ونەردى مەڭگەرەدى. دەمالىس كۇندەرى ولاردى ەكسكۋرسيالار، ەكسپەديتسيالار، تانىمدىق جورىقتار مەن ويىن- ساۋىق كۇتەدى.

The American School in Switzerland

جىلىنا - 88,5 مىڭ دوللار. لۋگانو ماڭىنداعى تاسيس - ەۋروپاداعى ەڭ كونە امەريكاندىق مەكتەپ. مۇندا ونەرگە باسا نازار اۋدارا وتىرىپ، ءپانارالىق ءبىلىم بەرىلەدى جانە وقىتۋدىڭ ماڭىزدى بولىگى شەتەلدىك ساپارلار.

مەكتەپتى 1956 -جىلى گارۆارد تۇلەگى ۇلدار مەن قىزداردى امەريكاندىق جوعارى وقۋ ورىندارىنا تۇسۋگە دايىنداۋ، سونداي-اق ەۋروپالىق مادەنيەت پەن تىلدەردى ۇيرەنۋ ءۇشىن قۇردى. مۇندا 700 دەن استام وقۋشى وقيدى. وقۋشىلار ا ق ش پەن كانادادان، ەۋروپادان، ازيا ەلدەرىنەن، لاتىن امەريكاسى مەن تاياۋ شىعىستان كەلگەن.

ءار سىنىپتا 13 وقۋشىدان ارتىق ەمەس. بالالار ەۋروپانىڭ مادەني مۇراسىمەن تانىسىپ، كوپ ساياحاتتايدى جانە ءارتۇرلى سپورت تۇرلەرىمەن اينالىسادى، ال قاڭتار ايىندا شاڭعى كۋرورتىنا ءبىر اپتاعا بارادى. TASIS تۇلەكتەرىنىڭ شامامەن %30 ى ا ق ش جانە ۇلى بريتانيا ۋنيۆەرسيتەتتەرىنە، قالعاندارى ەۋروپا، جاپونيا، اۆستراليا جانە قىتاي جوعارى وقۋ ورىندارىنا تۇسەدى.

Brillantmont International School

جىلىنا - 89,5 مىڭ دوللار. مەكتەپ لوزاننانىڭ ورتالىعىندا، وليمپيادالىق قوزعالىستىڭ جۇرەگىندە، ايگىلى ۋنيۆەرسيتەتتەر مەن مادەني ومىرگە تولى قالادا ورنالاسقان.

Brillantmont International School اكادەميالىق، شىعارماشىلىق جانە سپورتتىق قۇرامداس بولىكتىڭ تەپە- تەڭدىگىنە ۇمتىلادى. مۇنداعى ستۋدەنتتەر باسقا مادەنيەتتەرگە قۇرمەتپەن قارايدى، حالىقارالىق ۇلگىدەگى وقۋ باعدارلاماسىن قامتاماسىز ەتەدى، تۇتاس تۇلعانى قالىپتاستىرۋعا كومەكتەسەدى.

مەكتەپتە كوپتەگەن سىنىپتان تىس ءىس-شارالار، ۇلكەن مادەني-سپورت كەشەنى، ب ۇ ۇ-نىڭ وزىندىك مودەلى، روك-توبى، سپورتتىق كوماندالار جانە تەاتر ستۋدياسى بار.

Collège du Léman

جىلىنا - 96,5 مىڭ دوللار. ۆەرسۋاداعى بۇل مەكتەپ جەنيەۆادان نەبارى 9 شاقىرىم قاشىقتىقتا ورنالاسقان جانە سونىمەن بىرگە مەگاپوليستىڭ قاربالاسىنان الىس، كوركەم پەيزاجدار اراسىندا. مۇنداي وقۋ ورنىنا دەگەن قاجەتتىلىك 1950 -جىلداردىڭ اياعىندا جەنەۆادا كوپتەگەن حالىقارالىق كومپانيالار اشىلىپ، ونىڭ قىزمەتكەرلەرى كوشىپ كەلگەن كەزدە پايدا بولدى.

بۇگىنگى تاڭدا Collège du Leman-دا 8-18 جاس ارالىعىنداعى 1900 گە جۋىق وقۋشى بار. مەكتەپتە ەكى ءتىلدى بالاباقشا بار. مەكتەپ مىندەتتەرىنىڭ ءبىرى - ءار ءتۇرلى ەلدەردىڭ بالالارىنا كوسموپوليتيزمنىڭ قۇندىلىقتارىن بىلۋگە كومەكتەسۋ.

College du Leman دوستىق پەن ءوزارا تۇسىنىستىك اتموسفەراسىن دامىتادى. ۇنەمى تانىمدىق، سپورتتىق جانە ويىن-ساۋىق ءىس-شارالارى ۇيىمداستىرىلادى.

مەكتەپتە بىرىككەن ۇلتتار ۇيىمىنىڭ ستۋدەنتتەرى جۇمىس ىستەيدى. ءوزىنىڭ جەكە جۋرنالىن شىعارادى. ورتا مەكتەپ وقۋشىلارىنا ءبىر جىلدىق Gap Year باعدارلاماسى ۇسىنىلادى. بۇل مەكتەپتى ءبىتىرىپ، ۋنيۆەرسيتەتكە ءتۇسۋ اراسىنداعى «اكادەميالىق دەمالىس» ءتۇرى، وسى ۋاقىتتى سپورتقا، ونەرگە نەمەسە «ومىرمەن تانىسۋدىڭ» باسقا ادىسىنە ارناۋعا بولادى.

Leysin American School

جىلىنا - 98,8 مىڭ دوللار. Leysin American School-دىڭ 9-13-سىنىپ وقۋشىلارىنا ارنالعان امەريكاندىق ينتەرنات مەكتەبى. ول شۆەيتساريانىڭ فرانسۋز بولىگىنىڭ تاۋلارىندا، جىل بويى دەرلىك اشىق بولاتىن وتە شۋاقتى ايماقتا ورنالاسقان.

LAS نەگىزگى پرينتسيپتەرى وتكەن عاسىردىڭ ورتاسىندا قۇرىلعاننان بەرى وزگەرىسسىز قالدى، حالىقارالىق ءبىلىم بەرۋدە باسىمدىققا ۇمتىلۋ. وقۋشىلار فاكۋلتەتتەرگە بولىنەدى جانە شاعىن سىنىپتاردا وقيدى (14 ادامنان اسپايدى)، سوندىقتان مۇعالىمنىڭ نازارى بارىنە جەتەدى.

مەكتەپتە كەرەمەت اكادەميالىق ناتيجەلەر بار. ونىڭ ءار تۇلەگى قالاعان ۋنيۆەرسيتەتكە ءساتتى تۇسەدى.

سپورتقا كوپ كوڭىل بولىنەدى. بالالاردىڭ كوپتەگەن سەكتسيالاردان تاڭداۋى بار، ال قىستا بارلىعىنا شاڭعى ساباقتارى وتكىزىلەدى.

Collège Alpin International Beau Soleil

جىلىنا - 112 مىڭ دوللار. بۇل مەكتەپ الپىدە، ۆيللار-سيۋر-وللون تاۋ شاڭعىسى كۋرورتىنىڭ جانىندا ورنالاسقان. ونىڭ شاكىرتتەرى شۆەيتساريا تابيعاتىمەن عانا ەمەس، تانزانياداعى كيليماندجارو جانارتاۋىمەن تانىسا الادى.

Beau Soleil-دە ءار ءتۇرلى ەلدەردەن 240 قا جۋىق ستۋدەنت وقيدى. مەكتەپتە ناعىز وتباسىلىق اتموسفەرا بار. ءبىراق دارالىق پەن تاۋەلسىزدىكتى دامىتۋ ءۇشىن ءبارى جاسالادى. اكادەميالىق باعدارلامانى سپورتتىق ءىس-شارالار، جورىقتار تولىقتىرادى.

بالالار ءارتۇرلى قىزىعۋشىلىق كلۋبتارىنا قاتىسادى: بىرەۋ كينو مەن جەكپە-جەك ونەرىنە، ال بىرەۋ ۆەلوسيپەد پەن اسپازدىققا قۇمار.

Aiglon College

جىلىنا - 119 مىڭ دوللار. ۆيللار-سيۋر-وللوننىڭ ادەمى جەرىندە ورنالاسقان مەكتەپ. مۇندا ستۋدەنتتەردىڭ شىعارماشىلىعى مەن سپورتتىق جەتىستىكتەرىنە باسا نازار اۋدارىلادى، تۇلەكتەردىڭ %95 ى ەۋروپا مەن ا ق ش-تىڭ ۇزدىك جوعارى وقۋ ورىندارىنا تۇسەدى.

ايگلون كوللەدجىنىڭ العاشقى وقۋشىلارى نەبارى التى بالا بولدى، ال قازىر مۇندا 60 ەلدەن 400 گە جۋىق وقۋشى وقيدى. ءبىر وقىتۋشىعا تەك بەس وقۋشى كەلەدى.

ايگلون كوللەدجى جىل سايىن سپورتتىق جيىندار مەن ەۋروپانىڭ تاريحي جەرلەرىنە ۇلكەن ساياحات ۇيىمداستىرادى.

 

دەرەككوز inbusiness.kz