الەمدەگى «ەڭ كەدەي» پرەزيدەنت حوسە مۋحيكا قايتىس بولدى
استانا. KAZINFORM - ۋرۋگۆايدى 2010-2015 -جىلدار ارالىعىندا باسقارعان بۇرىنعى پرەزيدەنتى حوسە مۋحيكا 89 جاسىندا قايتىس بولدى.
بۇل تۋرالى قازىرگى مەملەكەت باسشىسى ياماندۋ ورسي X الەۋمەتتىك جەلىسىندە مالىمدەدى، دەپ حابارلايدى BBC.
- ارىپتەسىمىز پەپە مۋحيكانىڭ قايتىس بولعانىن قاتتى قايعىرىپ حابارلايمىز. پرەزيدەنت، بەلسەندى، كوشباسشى جانە جەتەكشى. ءبىز سەنى قاتتى ساعىنامىز، قادىرلى قاريا. بىزگە بەرگەن بارلىق نارسە جانە حالقىڭا دەگەن شەكسىز سۇيىسپەنشىلىك ءۇشىن راحمەت، - دەپ جازدى ول X الەۋمەتتىك جەلىسىندە.
مۋحيكا بىلتىرعى پرەزيدەنتتىك سايلاۋدا ورسيدى قولدادى. سول كەزدە ول وڭەش قاتەرلى ىسىگىنە شالدىققانىن ايتتى. قاڭتار ايىنىڭ باسىندا اۋرۋدىڭ باۋىرعا تاراعانى بەلگىلى بولدى. Busqueda باسىلىمىنا بەرگەن سۇحباتىندا مۋحيكا ەمدەۋدەن باس تارتۋ تۋرالى شەشىم قابىلداعانىن مويىندادى.
- نەگە؟ ويتكەنى مەن كارى اداممىن جانە ەكى سوزىلمالى اۋرۋىم بار. ماعان بيوحيميالىق جولمەن ەم قابىلداۋ نەمەسە حيرۋرگيا كەلمەيدى، ويتكەنى مەنىڭ دەنەم وعان شىداي المايدى، - دەپ ءتۇسىندىردى ول.
مۋحيكا «الەمدەگى ەڭ كەدەي پرەزيدەنت» رەتىندە تانىمال بولدى. مۋحيكا جانە ونىڭ ايەلى گۇل ءوسىرىپ، ساتتى. پرەزيدەنتتىك قىزمەتى كەزىندە ول جالاقىسىنىڭ %90 ىن قايىرىمدىلىققا اۋداردى جانە ونىڭ فەرمادان باسقا جالعىز مۇلكى 1987 -جىلى شىققان Volkswagen Beetle بولدى.
اۆتور
زارينا تۋعانبايەۆا
