الەمدەگى ەڭ جوعارى جالاقى الاتىن سپورتشى انىقتالدى
استانا. قازاقپارات - 2025 -جىلعى Forbes رەيتينگىندە ى ورىندى فۋتبولشى كريشتيانۋ رونالدۋ يەلەندى، ونىڭ تابىسى 275 ميلليون دوللاردى قۇرادى، دەپ حابارلايدى Kazinform ءتىلشىسى.
بۇل Forbes باقىلاۋلارى بويىنشا قازىرگى سپورتشىلار اراسىنداعى ءۇشىنشى ەڭ جوعارى جىلدىق تابىس دەپ ەسەپتەلەدى.
40 جاستاعى شابۋىلشى جانە كاپيتان ساۋد ارابياسىنىڭ «ال- ناسر» كلۋبىندا دا، پورتۋگاليا قۇراماسىندا دا وينايدى. سوڭعى 12 ايدا ونىڭ تابىسى — كلۋب جالاقىسىنان جانە نەگىزىنەن جارنامالىق جوبالاردان تۇسكەن قوماقتى كىرىستەردەن قالىپتاستى.
جالپى العاندا، بيىلعى ەڭ جوعارى جالاقى الاتىن 50 سپورتشى شامامەن 4,23 ميلليارد دوللار تابىس تاپتى، بۇل وتكەن جىلعى 3,88 ميلليارد دوللارلىق رەكوردتان ەداۋىر اسىپ ءتۇستى. بۇل سوماعا دەمەۋشىلىك كەلىسىمشارتتاردان، كوپشىلىك الدىنداعى سوزدەردەن جانە باسقا بيزنەس- جوبالاردان تۇسكەن 1,04 ميلليارد دوللار كىرەدى. بۇل 2024 -جىلمەن سالىستىرعاندا %11عا (936 ميلليون دوللار) ارتىق جانە 2023 -جىلعى 1,08 ميلليارد دوللارلىق رەكوردقا جۋىق.
وسىعان دەيىن امەريكالىق باسكەتبولشى مايكل دجوردان Sportico نۇسقاسى بويىنشا قارجىلىق جاعىنان ەڭ تابىستى 50 سپورتشىنىڭ ءتىزىمىن باستادى.
