الەمدە ۋران باعاسى ءوستى

استانا. قازاقپارات - قاڭتار ايىندا ۋراننىڭ باعاسى ءبىر فۋنت ءۇشىن 85 دوللارعا جەتتى. بۇل - كەيىنگى 17 ايداعى ەڭ جوعارى كورسەتكىش. 

 باعانىڭ كۇرت وسۋىنە ينۆەستيتسيالىق قورلار تاراپىنان سۇرانىستىڭ ارتۋى سەبەپ.

ساراپشىلاردىڭ ايتۋىنشا، شيكىزاتقا قىزىعۋشىلىق ا ق ش بيلىگى ۋراندى بايىتۋ كاسىپورىندارىن سالۋعا رۇقسات الۋ تالاپتارىن جەڭىلدەتكەننەن كەيىن ارتقان. سونداي-اق جاڭا اتوم ەلەكتر ستانسيالارىن سالۋ جوسپارىن جاريالاعان ەدى. ماماندار باعا ءالى دە ءوسۋى مۇمكىن دەپ وتىر.

 دۇنيەجۇزىلىك يادرولىق قاۋىمداستىقتىڭ بولجامىنا سايكەس، 2030- جىلعا قاراي الەمدە ۋرانعا سۇرانىس %28- عا ارتۋى مۇمكىن.

قازاقستاننىڭ تاۋ-كەن ونەركاسىبىنىڭ جەتەكشى سالالارىنىڭ ءبىرى - ۋران ءوندىرىسى. ەلىمىز ۋران وندىرۋدەن الەمدە ءبىرىنشى ورىندا، ال ۋران قورى بويىنشا ەكىنشى ورىندا.

 24.kz