15:04, 09 - اقپان 2024 | GMT +5
الماتىنىڭ ورتالىعىندا جارىق ءسونىپ قالدى
الماتى. KAZINFORM - الماتىنىڭ المالى اۋدانىندا بىرنەشە ءۇي مەن عيمارات جارىقسىز قالدى.
«الاتاۋ جارىق كومپانياسى» ا ق باسپا ءسوز قىزمەتى حابارلاعانداي، 9-اقپان كۇنى ساعات 12:20 دا المالى اۋدانىندا ورنالاسقان گوگول - امانگەلدى - اباي - بايتۇرسىنوۆ كوشەلەرىندە جارىق ءسونىپ قالدى.
«اپاتتىڭ سەبەبى انىقتالىپ جاتىر. وقيعا ورنىندا ارنايى بريگادا جۇمىس ىستەۋدە. جارىقتى 2 ساعات ىشىندە قالپىنا كەلتىرۋ كوزدەلىپ وتىر»، - دەپ حابارلادى كومپانيادان.
