الماتىنىڭ ءبىر اۋدانى جارىقسىز قالدى

الماتى. KAZINFORM - الماتىدا اۋەزوۆ اۋدانىنىڭ تۇرعىندارى تاڭعى ساعات سەگىزدەن بەرى جارىقسىز وتىر.

الاتاۋ جارىق كومپانياسى» ا ق مالىمەتىنشە، 30-ماۋسىم ساعات 08:10 دا اۋەزوۆ اۋدانىنا قاراستى №1, №2, اقساي-1 شاعىناۋدانىندا ەلەكتر ەنەرگياسى ءىشىنارا وشكەن.

اقاۋدىڭ سەبەبى - كابەل جەلىسىنىڭ زاقىمدانۋى.

- قازىر №1 جانە №2 شاعىناۋدانداردا ەلەكترمەن جابدىقتاۋ تولىق قالپىنا كەلتىرىلدى. اقساي-1 شاعىناۋدانىندا اپاتتىق- قالپىنا كەلتىرۋ جۇمىستارى جالعاسىپ جاتىر. «الاتاۋ جارىق كومپانياسى» ا ق ماماندارى ەلەكترمەن جابدىقتاۋدى تەز ارادا قالپىنا كەلتىرۋ ءۇشىن بارلىق قاجەتتى شارانى قولدانىپ جاتىر، - دەپ حابارلادى كومپانيادان.

ەسكە سالا كەتەيىك، جوسپارلى جوندەۋ جۇمىستارىنىڭ ۋاقىتى، ءتۇرى جانە مەكەنجايلارى كورسەتىلگەن كەستە كومپانيانىڭ رەسمي www.azhk.kz سايتىندا تۇراقتى تۇردە جاريالانىپ وتىرادى.

«اپاتتى وشىرۋلەر» ينتەراكتيۆتى بولىمىندە ەلەكترمەن جەلىلەرىندەگى اقاۋلار تۋرالى ونلاين رەجيمىندە اقپارات الۋعا بولادى.

ەسكە سالايىق، بۇعان دەيىن الماتىنىڭ ءبىر بولىگىنە جارىق ءسونىپ قالعانىن جازعانبىز.