21:56, 24 - ءساۋىر 2024 | GMT +5
الماتىنىڭ بىرنەشە اۋدانى جارىقسىز قالدى
الماتى. KAZINFORM - الماتىدا اۋا رايىنىڭ كۇرت بۇزىلۋى سالدارىنان بىرنەشە اۋدانىندا جارىق ءسونىپ قالدى.
«الاتاۋ جارىق كومپانياسى» ا ق مالىمەتىنشە، جاڭبىر مەن ەكپىندى جەلدەن 6-10-0,4 ك ۆ تاراتۋ جەلىسىندە اقاۋ پايدا بولدى.
«سونىڭ سالدارىنان ەرمەنساي، نۇر الاتاۋ، تاۋ-سامالى، قاراعايلى، قۇرامىس، اقجار، باعاناشىل، اسقارتاۋ، شاڭىراق-1 جانە شاڭىراق-2 شاعىن اۋداندارىندا جارىق ءسونىپ قالدى»، - دەپ حابارلادى كومپانيادان.
سونداي-اق كومپانيا ەلەكترمەن جابدىقتاۋدى قالپىنا كەلتىرۋ بويىنشا جەدەل توپ جۇمىس ىستەپ جاتقانىن جانە قالاداعى جاعداي باقىلاۋدا ەكەنىن اتاپ ءوتتى.
«ەلەكتر قۋاتىنىڭ ءۇزىلۋ سەبەبى تۋرالى بارلىق جەدەل اقپاراتتى مىنا تەلەفون ءنومىرى 87273569999 ارقىلى بىلۋگە بولادى.
