الماتىلىقتار افتەرشوك باسىلعانشا 384 قابىلداۋ پۋنكتىن پانالاي الادى

الماتى. KAZINFORM - الماتىدا 384 قابىلداۋ پۋنكتى، ونىڭ ىشىندە 229 ى - مەكتەپتەردە، 115 ءى بالاباقشالاردا، 15 ءى ج و و- لاردا، 20 سى كوللەدجدەردە جانە 5 ءى ستاديوندا جۇمىس ىستەپ تۇر.

الماتى اكىمدىگىنىڭ مالىمەتىنشە، قازىر اۋداندىق اكىمدىكتەردىڭ قىزمەتكەرلەرى وسى جينالۋ ورىندارىندا ءجۇر.

«پۋنكتتەر تۋرالى بارلىق مالىمەتتەر الماتىنىڭ 2GIS پلاتفورماسىندا ورنالاستىرىلعان. قوسىمشانىڭ ىزدەۋ جۇيەسىندە «زارداپ شەككەن حالىقتى قابىلداۋ پۋنكتى» ءسوزىن ەنگىزگەن كەزدە كارتادا تۇرعىنداردى جيناۋ پۋنكتتەرى كورسەتىلەدى. مۇنداي دەرەكتەر الماتى قالاسى جانە اۋدان اكىمدىكتەرىنىڭ تجد رەسمي سايتتارىندا دا بار»، - دەپ حابارلادى الماتى اكىمدىگىنىڭ باسپا ءسوز قىزمەتى.

ايتا كەتەيىك، قازىرگى تاڭدا بارلىق ستاتسيونارلار، بوساندىرۋ ۇيىمدارى، جەدەل مەديتسينالىق كومەك شتاتتىق رەجيمدە جۇمىس ىستەپ تۇر.

ساعات 14:00 دەگى جاعداي بويىنشا قابىلداۋ پۋنكتىنە 1232 ادام حابارلاسقان.