الماتىلىق پوليتسەيلەر اۆتوبۋستاردى تەكسەرىپ جاتىر

Фото: Алматы әкімдігі
Фото: Алматы әкімдігі

الماتى. KAZINFORM - الماتىدا 22- قاڭتاردان باستاپ «اۆتوبۋس» جەدەل-پروفيلاكتيكالىق ءىس-شاراسى ءوتىپ جاتىر.

شارا اياسىندا قوعامدىق كولىكتەردىڭ تەحنيكالىق جاعدايى مەن جولاۋشىلار تاسىمالىمەن اينالىساتىن كاسىپورىنداردىڭ جۇمىسى تەكسەرىلدى.

«وسىلايشا ءبىز اۆتوكولىكپەن جولاۋشىلار مەن جۇك تاسىمالدايتىن جۇرگىزۋشىلەردىڭ كولىكتىك جانە ەڭبەك ءتارتىبىن ارتتىرۋ، تەحنيكالىق اقاۋى بار نەمەسە قايتا جابدىقتالعان جولاۋشىلار كولىگىنىڭ جۇمىس ىستەۋىنە جول بەرمەۋ، سونداي-اق زاڭسىز جولاۋشىلار تاسىمالىنىڭ جولىن كەسۋ ماقساتىن كوزدەپ وتىرمىز. بۇل جۇمىسقا مۇددەلى مەملەكەتتىك ورگان وكىلدەرى مەن ازاماتتىق قوعام دا بارىنشا اتسالىسىپ جاتىر»، - دەدى الماتى قالالىق پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ باستىعى، پوليتسيا پودپولكوۆنيگى اسحات قۇلبايەۆ.

پوليتسەيلەر سونداي-اق جول قوزعالىسى قاۋىپسىزدىگىن قامتاماسىز ەتۋ جانە قوعامدىق كولىكتەردىڭ قاتىسۋىمەن بولاتىن جول اپاتتارىن الدىن الۋ جۇمىسىن ۇيىمداستىرۋ بويىنشا اۆتوپارك باسشىلارىمەن جۇمىس كەڭەسىن وتكىزدى.

سوڭعى جاڭالىقتار