الماتىلىق قۇتقارۋشىلار مەن كوممۋنالدىق قىزمەتتەر كۇشەيتىلگەن قىزمەتكە كوشتى
الماتى. KAZINFORM - الماتىدا اۋا رايىنىڭ ناشارلاۋىنا بايلانىستى قالانىڭ كوممۋنالدىق قىزمەتتەرى مەن ەلەكتر بريگادالارى كۇشەيتىلگەن رەجيمگە اۋىستى. ال قالانىڭ توتەنشە جاعدايلار دەپارتامەنتى جوعارى دايىندىق دەڭگەيىنە كەلتىرىلدى.
الماتىدا كەشكە باستالعان وتكىنشى جاڭبىردىڭ ارتى نوسەر جاۋىنعا ۇلاستى، بۇل ناۋرىز ايىندا ورتاشا ايلىق نورمانىڭ %28 ى (72 م م).
«سۋدىڭ ارىقتارمەن كەدەرگىسىز اعىپ كەتۋىن قامتاماسىز ەتۋ ءۇشىن تۇنگى اۋىسىمعا 49 جەدەل كەزەكشى ءموبيلدى بريگادا شىقتى. ونىڭ ىشىندە «الماتى تازالىق» كاسىپورنىنىڭ 33 بريگاداسى بار. كەزەكشى بريگادالار سۋ باسۋعا بەيىم ۋچاسكەلەرگە ۋاقىتىلى شىعارىلدى. قۇلاعان اعاشتار دەرەۋ تازالانادى. كەزەكشىلىككە بارلىعى 344 بىرلىك ارنايى تەحنيكا، 21 موتوپومپا جانە 163 جۇمىسشى شىقتى. قوسىمشا 2300 قاپ قۇم دايىندالدى»، - دەپ حابارلادى الماتى اكىمدىگىنىڭ باسپا ءسوز قىزمەتى.
اكىمدىك سونداي-اق الداعى كۇندەرى اۋا رايىنىڭ ناشارلاۋىنا بايلانىستى كولىك جۇرگىزۋشىلەرگە اعاشتاردىڭ قۇلاۋ جانە ەلەكتر جەلىلەرىنىڭ ءۇزىلۋ قاۋپىنە بايلانىستى كولىكتەردى جولداردىڭ جيەگىنە قويماۋعا كەڭەس بەردى. سۋ تاسقىنىن بولدىرماۋ ءۇشىن تۇرعىنداردى ارىق پەن كانالدى قوقىسقا تولتىرماۋعا شاقىردى.
ەگەر قانداي دا ءبىر اۋماقتى سۋ باسسا، جەدەل دەن قويۋ شارالارىن قابىلداۋ ءۇشىن اۋدان اكىمدىكتەرىنە حابارلاسۋعا بولادى. سونداي-اق اكىمدىكتە اۋا رايىنىڭ ناشارلاۋىنا بايلانىستى قالادا ەلەكتر قۋاتى، ونىڭ ىشىندە سىرتقى جارىقتاندىرۋ جەلىلەرىندە اپاتتىق اجىراتۋلار بولۋى مۇمكىن ەكەنىن ەسكەرتتى. «الماتى قالا جارىق» جانە «الاتاۋ جارىق كومپانياسىنىڭ» اپاتتى بريگادالارى كۇشەيتىلگەن رەجيمدە جۇمىس ىستەپ جاتىر. كەزەكشى بريگادالار بارلىق وتىنىشكە جەدەل دەن قويادى جانە اقاۋلاردى تەز ارادا جويۋ ءۇشىن جۇمىس ىستەيدى. بارلىق اجىراتۋ تۋرالى اقپاراتتى «ا ج ك» ا ق-نىڭ www.azhk.kz رەسمي سايتىندا الماتى قالاسىنىڭ ەلەكتر ەنەرگياسىن اجىراتۋدىڭ ينتەراكتيۆتى كارتاسى بولىمىنەن الۋعا بولادى.
ەلەكترمەن جابدىقتاۋدىڭ ءۇزىلۋ سەبەپتەرىنە قاتىستى اقپاراتتى جەدەل ۇسىنۋ ماقساتىندا «الماتىەنەرگوسبىت» ج ش س-نىڭ بايلانىس ورتالىعى: 3569999 تەلەفون نومىرىنە، سىرتقى جارىقتاندىرۋ جەلىلەرىندە اجىراتۋلار بولعان جاعدايدا «الماتى قالا جارىق»-تىڭ 87717182439, 87717182456، 3902040، 3902060 نومىرلەرىنە حابارلاسۋعا بولادى. ديسپەتچەرلىك پۋنكتتەر تاۋلىك بويى جۇمىس ىستەيدى.
الماتىدا سونداي-اق ازاماتتىق قورعاۋ قىزمەتتەرى، مەردىگەرلىك ۇيىمدار دايىندىققا كەلتىرىلدى. قالالىق ت ج د-نىڭ كۇشتەرى مەن قۇرالدارى قىزمەت وتكەرۋدىڭ كۇشەيتىلگەن نۇسقاسىنا اۋىسىپ، جوعارى دايىندىق دەڭگەيىنە كەلتىرىلىپ، جەدەل توپ جۇمىسى قۇرىلدى.
الماتىدا اۋا رايىنىڭ قولايسىزدىعىن بايلانىستى 87272782083 جانە 87272782084 ءنومىرى بويىنشا جەدەل جەلى ىسكە قوسىلدى.
ەسكە سالايىق، بۇگىن الماتىدا جەل كۇشەيىپ، شاڭدى داۋىل تۇردى. سالدارىنان قالادا شاڭ مەن قۇم كوتەردى. داۋىلدىڭ ارتى جاڭبىرعا ۇلاستى.
سونداي-اق قولايسىز اۋا رايىنا بايلانىستى الماتى حالىقارالىق اۋەجايىندا ءبىرقاتار رەيس كەشىكتى.
اۆتور
دۋمان ارعىنگەلدى
