10:54, 17 - ناۋرىز 2024 | GMT +5
الماتىلىق جاستار ۇلتتىق كيىمدى ۇلىقتادى
الماتى. KAZINFORM - الماتىدا ناۋرىزنامانىڭ ون كۇندىگى اياسىندا قالانىڭ بەلسەندى جاستارى National day چەللەندجىن باستادى.
چەللەندج اياسىندا AR دەمالىس ورتالىعىنىڭ جاستارى ۇلتتىق كيىمنىڭ زاماناۋي ينتەرپرەتاتسياسىن ۇسىندى.
«ءبىز وسى ءىس-شارا اياسىندا ۇلتتىق كيىمنىڭ ادەمى عانا ەمەس، سونىمەن قاتار، وتە ءستيلدى، جاستىق جانە كۇندەلىكتى ومىردە ىڭعايلى بولاتىنىن كورسەتكىمىز كەلدى»، - دەپ اتاپ ءوتتى ۇيىمداستىرۋشىلار.
ايتا كەتەيىك، ناۋرىز مەرەكەسىنە وراي قالانىڭ بارلىق كوميۋنيتي-ورتالىقتارىندا جاستاردىڭ قاتىسۋىمەن ءتۇرلى فورماتتاعى ءىس-شارالار وتەتىن بولادى.
