الماتىلىق دارىگەرلەر 35 جاستاعى ناۋقاستىڭ ميىنان ۇلكەن ەپيلەپتوگەندى وشاقتى الىپ تاستادى
الماتىداعى ورتالىق قالالىق كلينيكالىق اۋرۋحانادا العاش رەت فارماكورەزيستەنتتىك ەپيلەپسيا - ميدىڭ ساماي بولىگىنىڭ رەزەكتسياسىمەن سول جاق اميگدالوحيپپوكامپەكتومياسى بار ناۋقاسقا كۇردەلى وتا جاسالدى، دەپ حابارلايدى Kazinform.
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، ناۋقاس اتالعان دەرتپەن 20 جاسىنان اۋىرعان. سوڭعى كەزدەرى وعان ۇستاماعا قارسى پرەپاراتتار دا كومەكتەسپەگەن. كەيىن ۇستامالارى كوبەيىپ، جاعدايى ۋشىعا تۇسكەن.
دارىگەرلەر ونىڭ دەنساۋلىعىنا تولىق تەكسەرىس جۇرگىزدى. م ر ت ناۋقاستىڭ ميىنىڭ سول جاق ساماي بولىگىندە ەپيلەپتيفورمدى بەلسەندىلىكتىڭ وشاعىن انىقتادى.
نەيروحيرۋرگيا ءبولىمىنىڭ مەڭگەرۋشىسى مارات الماتوۆ نوۆوسيبيرسكىدەن كەلگەن نەيروحيرۋرگ الەكساندر دميتريەۆپەن بىرگە نەيروناۆيگاتسيا جانە مي قىرتىسىن تىكەلەي جازۋ ارقىلى ەلەكتروكورتيكوگرافيا كومەگىمەن ناۋقاستىڭ سول جاق گيپپوكامپىن ميكروحيرۋرگيالىق جولمەن الىپ تاستاۋ وپەراتسياسىن جاسادى.
«وڭ جاق ماڭداي بولىكتەگى ديامەترى 3*3 س م بولاتىن ۇلكەن ەپيلەپتوگەندى وشاقتى الىپ تاستادىق. وتا ءساتتى جاسالدى. ودان كەيىن ناۋقاستا ەپيلەپتيكالىق ۇستاما بولعان جوق. جاسالعان وتا ناۋقاستىڭ دەنساۋلىعىنا وڭ اسەر ەتىپ، ارى قاراي ءبارى جاقسى بولادى دەپ ۇمىتتەنەمىز»، - دەدى مارات الماتوۆ.
ونىڭ سوزىنشە، ەپيلەپسيا ناۋقاستىڭ مي بولىكتەرىنە زاقىم كەلتىرگەن.
ايتا كەتەيىك، وتا ناۋقاسقا م ءا م س شەڭبەرىندە جاسالدى.
