الماتىداعى كوك بازاردى جاڭعىرتۋ جۇمىستارى قالاي ءجۇرىپ جاتىر
الماتى. KAZINFORM - الماتىنىڭ ەڭ كورنەكتى ورىندارىنىڭ ءبىرى - كوك بازاردى جاڭعىرتۋ جۇمىستارى قالاي ءجۇرىپ جاتقانىن مەدەۋ اۋدانىنىڭ اكىمى ەركەبۇلان ورازالين ايتىپ بەردى.
ونىڭ ايتۋىنشا، بۇگىنگە دەيىن بازاردىڭ ينجەنەرلىك جەلىلەرى اۋىستىرىلعان. بۇل جۇمىستارعا 2 ميلليارد تەڭگە ينۆەستيتسيا تارتىلعان. بيىل بازار اكىمشىلىگى ساۋدا ورنىنىڭ قاسبەتىن، ال كەلەسى ىشكى كەڭىستىكتى جاڭارتۋدى جوسپارلاپ وتىر.
اتاپ ايتقاندا، 2025-جىلى 5300 كۆادراتمەتر بازاردىڭ قاسبەتى جانە 1 اۆتوبۋس ايالداماسى جاڭارتىلادى، 3160 كۆادراتمەتر اۋماق اباتتاندىرىلادى، ۆەلوپاركينگ جاسالادى. جالپى 2023-2026-جىلدارى كوك بازاردى جاڭعىرتۋعا 6,7 ميلليارد تەڭگە ينۆەستيتسيا سالىنادى.
- كوك بازارعا كەلەتىن تۋريستەردىڭ كوبەيىپ كەلە جاتقانىن بايقاپ وتىرمىز. سوندىقتان كوك بازار مەن پۋشكين كوشەسىن جاڭعىرتۋ جوبالارىن بىرىكتىردىك، - دەدى ەركەبۇلان ورازالين.
ەسكە سالايىق، 2023-جىلى الماتىداعى كوك بازار جاڭارتىلاتىنىن جازعانبىز.
