الماتىدا زاڭسىز سالىنعان ءىرى قويما بۇزىلىپ جاتىر

الماتى. KAZINFORM - الماتىدا سوت شەشىمىمەن ءىرى قۇرىلىس نىسانىن بۇزۋ جۇمىستارى باستالدى.

وڭىردەگى قالا قۇرىلىسىن باقىلاۋ باسقارماسى ءمالىم ەتكەندەي، سامعاۋ شاعىن اۋدانىنداعى كوكوراي كوشەسى، 28/2 مەكەنجايىندا ورنالاسقان 2000 شارشى مەتردەن استام زاڭسىز قويما عيماراتتارى تولىق سۇرىلەدى.

بۇعان دەيىن باسقارما تاراپىنان «ريفتام» ج ش س- نە جوسپاردان تىس تەكسەرىس جۇرگىزىلىپ، نىساننىڭ باسىم بولىگىنە رۇقسات قۇجاتتارىنىڭ جوق ەكەنى انىقتالعان.

باسقارما الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا 2174 شارشى مەتر زاڭسىز سالىنعان نىساندى سۇرۋگە تالاپ ارىز بەرگەن. 2023 -جىلدىڭ 8 -جەلتوقسانىندا سوت تالاپتى قاناعاتتاندىردى، ال بيىل 4-ناۋرىزدا الماتى قالالىق سوتىنىڭ قاۋلىسىمەن شەشىم وزگەرىسسىز قالدىرىلدى.

ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن بۇزۋ جۇمىستارى باستالدى.

وسىعان دەيىن الماتىدا 1350 شارشى مەتردەن استام سالىنىپ جاتقان عيماراتتىڭ بۇزىلعانى تۋرالى جازعان ەدىك.

جالپى، قالادى بىلتىردان بەرى 48 زاڭسىز نىسان تولىعىمەن جانە جارتىلاي بۇزىلدى. ونىڭ ىشىندە بيزنەس ورتالىق، مەيرامحانا، قوسالقى قۇرىلىس پەن اۆتوسەرۆيس، سونداي-اق مەچتا جانە KHAN سياقتى ءىرى تۇرعىن ءۇي كەشەندەرى بار.

اۆتور

الما مۇقانوۆا