21:12, 12 - ءساۋىر 2024 | GMT +5
الماتىدا زاڭسىز جۇرگەن افريكانىڭ 15 ازاماتى ەلدەن شىعارىلدى
الماتى. KAZINFORM - الماتىدا ق ر كوشى-قون زاڭناماسىن بۇزعان افريكالىقتارعا قاتىستى سوت قاۋلىسى شىقتى.
الماتىلىق كوشى-قون قىزمەتىنىڭ مالىمەتىنشە، ق ر كوشى-قون زاڭناماسىن بۇزعانى ءۇشىن ۇستالعان افريكانىڭ 15 ازاماتى ەلدەن شىعارىلدى.
«اتالعان شەتەلدىكتەر ءبىزدىڭ ەلدە بولعان كەزىندە ەلىمىزدىڭ كوشى-قون سالاسىنداعى زاڭناماسىن بۇزعان. اتاپ ايتقاندا، زاڭدا بەلگىلەنگەن مەرزىمدە ق ر اۋماعىنان شىقپاعان سوڭ سوت قاۋلىسىمەن ەلىمىزدىڭ اۋماعىنان شىعارۋ تۇرىندە اكىمشىلىك جازاعا تارتىلدى»، - دەدى الماتى قالالىق پوليتسيا دەپارتامەنتىنىڭ كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
ەسكە سالايىق، بۇعان دەيىن الماتىدا كوشى-قون زاڭناماسىن بۇزعان افريكالىقتاردىڭ انىقتالعانىن جازعانبىز.
