الماتىدا وتەتىن ەكسترەمالدى سپورت جارىسىنا 7 ميلليون جۇلدە تىگىلدى

шаңғы
فوتو: Kazinform

الماتى. KAZINFORM - الماتى قالاسىندا 6-7-ءساۋىر كۇندەرى شىمبۇلاق تاۋ كۋرورتىنىڭ اۋماعىندا جاقىن جانە الىس شەتەلدەردەن كەلگەن قىسقى ەكسترەمالدى سپورت سۇيەر قاۋىمنىڭ قاتىسۋىمەن Winter Jungle سپورتتىق-مۋزىكالىق فەستيۆالى وتەدى.

ەكى كۇنگە جالعاساتىن فەستيۆالدە ءتۇرلى سپورتتىق جانە مۋزىكالىق باعدارلامالار بولادى. اتاپ ايتقاندا Big Air ،Jibbing ،The Battle جانە Jungle cross فورماتتارى بويىنشا سنوۋبوردشىلار مەن شاڭعىشىلار اراسىندا جارىستار وتەدى.

قازاقستاندىق سپورتشىلاردان بولەك رەسەي، پولشا، اۆستريا، فينليانديا، فرانسيا جانە سەربيا شاڭعىشىلارى قاتىسادى. فەستيۆالدىڭ جالپى جۇلدە قورى - 7000000 تەڭگە.

«ءبىزدىڭ ماقساتىمىز - قازاقستانداعى ەكشن- سپورت مادەنيەتىن دامىتۋعا ۇلەس قوسۋ! وسى جىلعى فەستيۆالدەن كەرەمەت كوڭىل-كۇي كۇتەمىن. جاڭا ادامدارمەن تانىسىپ، شابىت الامىز دەپ ويلايمىن. سول سەبەپتى ەكسترەمالدى سپورتپەن اينالىساتىن جارقىن جاستاردى كۇتەمىن» - دەيدى فەستيۆال پروديۋسەرى الەكساندر كۋچۋرا.

ۇيىمداستىرۋشىلاردىڭ ايتۋىنشا، فەستيۆال قوناقتارىن سپورتتىق جارىستاردان بولەك الۋان ءتۇرلى مۋزىكالىق باعدارلاما كۇتىپ تۇر.

كىرۋ تەگىن.

سوڭعى جاڭالىقتار