الماتىدا ورتالىق ازيا ەلدەرىنىڭ كوشباسشى ايەلدەرى باس قوستى
الماتى. KAZINFORM - الماتىدا ورتالىق ازيا ەلدىرىنىڭ ايەل-كوشباسشىلارى باس قوستى. ولار گەندەرلىك تەڭدىك، بەيبىتشىلىك، بيزنەس جانە بالا تاربيەسى ماسەلەلەرىن تالقىلاپ جاتىر.
فورۋمعا 20 ەلدەن 50-دەن استام سپيكەر كەلدى. ولاردىڭ ىشىندە امەريكالىق كاسىپكەر جانە Tesla كومپانياسىنىڭ قۇرىلتايشىسى يلون ماسكتىڭ اناسى مەي ماسك، رەسەيدىڭ تانىمال جۋرناليسى كسەنيا سوبچاك، Wildberries ماركەتپلەيسىنىڭ نەگىزىن قالاۋشى تاتيانا كيم بار.
ءارتۇرلى قىزمەت سالاسىنىڭ جۇلدىزدارى وزدەرىنىڭ جەتىستىكتەرى تۋرالى اڭگىمەلەپ، ماماندىق تابۋ، ءوزىن ىنتالاندىرۋ، سەنىمسىزدىكتى جەڭۋ جانە ءوز جەتىستىكتەرىنىڭ تاريحىن جاساۋ تۋرالى پايدالى كەڭەستەرىمەن بولىسەدى.
فورۋمنىڭ نەگىزگى تاقىرىپتارى:
* ءوزىڭىزدىڭ ماقساتتارىڭىز بەن سۇيىكتى ءىسىڭىزدى تابىڭىز؛
* جەكە برەند: قالاي جاساۋ كەرەك جانە ول سىزگە نە ءۇشىن كەرەك؛
* وزىڭىزگە سەنىمدىلىك: ءوز ءومىرىڭىزدىڭ باستى كەيىپكەرىنە قالاي اينالۋعا بولادى؛
* كەدەرگىلەردى ەڭسەرۋ: ارمانعا قالاي جەتۋگە بولادى؛
* جاس كەدەرگى ەمەس: جاس ەرەكشەلىگىن ءوز پايداڭىزعا قالاي اينالدىرۋ كەرەك؛
* قايىرىمدىلىق: الەمدى جاقسى جاققا قالاي وزگەرتۋگە بولادى.
فورۋمعا ءۇش مىڭنان استام ادام قاتىسىپ جاتىر.
ايتا كەتەيىك، كىرۋ اقىلى. بيلەتتىڭ باعاسى 10-200 مىڭ تەڭگە ارالىعىندا.
اۆتور
الما مۇقانوۆا
