الماتىدا پوليسياعا قارسىلىق كورسەتكەن ءبىر توپ ادام ۇستالدى
الماتى. KAZINFORM - الماتىدا تۇرعىندار شاعىمى بويىنشا كەلگەن ءتارتىپ ساقشىلارىنا قارسىلىق كورسەتكەندەر ۇستالدى.
وقيعانىڭ بەينەجازباسى الەۋمەتتىك جەلىدە تارادى. وندا ەر ادامنىڭ پوليتسيا قىزمەتكەرىنە قارسى دورەكى ءىس-ارەكەت جاساعانىن، ال جانىنداعى ازاماتتار ونى قوستاپ تۇرعانىن كورۋگە بولادى.
الماتى قالاسى پوليتسيا دەپارمەنتىنىڭ مالىمەتىنشە، بۇگىن تاڭەرتەڭ «102» قىزمەتىنە قالانىڭ ورتالىعىنداعى مەكەمەدە قوعامدىق ءتارتىپتىڭ بۇزىلعانى تۋرالى حابارلاما تۇسكەن.
وقيعا ورنىنا بىرنەشە پاترۋلدىك ەكيپاج جىبەرىلگەن. ولار ماس كۇيىندەگى ءبىر توپ ازاماتپەن كەزدەسكەن.
- اتالعان ازاماتتار پوليسيا قىزمەتكەرلەرىنىڭ زاڭدى تالاپتارىنا دورەكى تۇردە قارسىلىق كورسەتتى. قوعامدىق ءتارتىپ پەن قاۋىپسىزدىكتى قامتاماسىز ەتۋ ماقساتىندا 6 ازاماتتىڭ بارلىعى ۇستالىپ، المالى اۋداندىق پوليتسيا باسقارماسىنا جەتكىزىلدى. ولاردىڭ ءارقايسىسىنىڭ ارەكەتىنە قۇقىقتىق باعا بەرىلەتىن بولادى،- دەپ حابارلادى پوليتسيادان.
بۇل دەرەك بويىنشا قىلمىستىق ءىس قوزعالعان. قازىرگى ۋاقىتتا تەرگەۋ جۇرگىزىلىپ جاتىر. ودان بولەك قۇقىق بۇزۋشىلار اكىمشىلىك قۇقىق بۇزۋشىلىقتار ءۇشىن دە جاۋاپكەرشىلىككە تارتىلعان.
