الماتىدا وبلىسىندا ەكس-دەپۋتات جالعان قۇجات راسىمدەپ، 474 ميلليون تەڭگە العان
استانا. KAZINFORM - قارجىلىق مونيتورينگ اگەنتتىگى الماتى وبلىسى بويىنشا دەپارتامەنتى قاراساي اۋداندىق ءماسليحاتىنىڭ ەكس-دەپۋتاتىنا قاتىستى اسا ءىرى كولەمدە الاياقتىق جانە قىلمىستىق كىرىستەردى زاڭداستىرۋ فاكتىسى بويىنشا تەرگەۋ جۇرگىزۋدە.
دەرەككە قاراعاندا، كۇدىكتى مەملەكەتتەن سۋبسيديا الۋ ماقساتىندا الماتى وبلىسىنىڭ اۋىل شارۋاشىلىعى باسقارماسىنا «ناگرادا» تۇرىندەگى تاڭقۋراي كوشەتتەرىن ساتىپ الۋ تۋرالى جالعان قۇجاتتاردى ۇسىنعان. سوماسى 947 ميلليون تەڭگەنى قۇرادى.
- ناتيجەسىندە ول 474 ميلليون تەڭگە دەپ كورسەتىلگەن سومانىڭ %50 كولەمىندە زاڭسىز سۋبسيديا العان. بۇل كىرىستەردى جىلىستاتۋ ءۇشىن كۇدىكتى 21 جەكە كاسىپكەرمەن كوشەتتەردى وراۋ، تيەۋ، ءتۇسىرۋ جۇمىستارىن ورىنداۋدى كورسەتەتىن جالعان كەلىسىمشارتتاردى قامتيتىن كوپ دەڭگەيلى سحەمانى ازىرلەگەن، ءبىراق ءىس جۇزىندە بۇل جۇمىستار ورىندالماعان.
اتالعان جالعان كەلىسىمدەر مەن تولەم قۇجاتتارى نەگىزىندە 431 ميلليون تەڭگە سوماعا قولما-قول قاراجات الىندى، - دەپ جازدى دەپارتامەنتتەن.
سونىمەن قاتار ۇرلانعان قاراجاتتاردى زاڭدى اينالىمعا تارتۋ ماقساتىندا ول جۇبايىنىڭ اتىنان باعالى قاعازدارمەن وپەراتسيالار جۇرگىزىپ، قوسىمشا 89 ميلليون تەڭگە قىلمىستىق تابىس تاپقان. قىلمىستىق تابىسقا الماتى قالاسىنان ەكى بولمەلى پاتەر جانە Toyota Highlander اۆتوكولىگىن ساتىپ العان.
- اتالعان مۇلىككە، سونداي-اق 50 ميلليون تەڭگە اقشا جانە 91 ميلليون تەڭگە قۇنى بار باعالى قاعازدارعا تىيىم سالىندى.
مەملەكەتتەن ۇرلانعان 170 ميلليون تەڭگەنى كۇدىكتى قونايەۆ قالاسىنداعى كازينوعا قۇرتقانى بەلگىلى بولدى، - دەپ تولىقتىردى تەكسەرۋشى ورگاننان.
سوتتىڭ سانكسياسىمەن كۇدىكتى 2 ايعا قاماۋعا الىندى. قىلمىستىق ءىس جۇرگىزۋ كودەكسىنىڭ 201-بابىنا سايكەس باسقا اقپارات جاريالانبايدى.
