08:45, 16 - شىلدە 2025 | GMT +5
الماتىدا تۋىسىن كوشەدە پىشاقتاپ ولتىرگەن ەر ادام ۇستالدى
الماتى. KAZINFORM - الماتىدا كىسى ولتىرگەن ەر ادام ۇستالدى.

جەلىدەگى مالىمەتكە سايكەس، كۇدىكتى مەن ونىڭ قايىن اتاسى اراسىندا جانجال تۋىپ، ول تۋىسىنا بىرنەشە رەت پىشاق سۇققان.
الماتى قالاسىنىڭ پوليتسيا دەپارتامەنتى بۇل دەرەك بويىنشا مەدەۋ اۋداندىق پوليتسيا باسقارماسى قىلمىستىق ءىس قوزعاعانىن حابارلادى.
- كۇدىكتى «ءىزىن سۋىتپاي» ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. تەرگەۋ بارىسىندا قىلمىستىڭ تۇرمىستىق سەبەپپەن، ەر ادامدار اراسىنداعى اۋىزشا جانجال كەزىندە جاسالعانى انىقتالدى، - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.
ەسكە سالايىق، بۇعان دەيىن الماتىدا اۆتوبۋس ىشىندە ەگدە جاستاعى ازاماتتى ۇرعان ادام ۇستالدى.