الماتىدا تۋريستەرگە كيىز ءۇي ءپىشىندى ءتاتتى تاراتىلدى

Фото: Алматы әкімдігі
Фото: Алматы әкімдігі

الماتى. KAZINFORM- الماتىدا ناۋرىز مەيرامىن تويلاۋ اياسىندا «سىيلىققا ءتاتتى كادەسىي» اكسياسى ءوتتى.

اكسيا اياسىندا حالىقارالىق جولاۋشىلار تەرمينالىنداعى ءتولقۇجاتتى باقىلاۋ جانە كەدەندىك بەكەتكە كەلگەن ءاربىر تۋريستكە ەلىمىزدىڭ قوناقجايلىلىعىن بەينەلەيتىن پەچەنە مەن شوكولاد بەرىلدى. قازاق كيىز ءۇي تۇرىندەگى پەچەنە - قازاق حالقىنىڭ ءداستۇرلى ءومىر سالتىن بەينەلەيدى. بۇل قازاقستاننىڭ باي مادەني مۇراسىن ەسكە سالادى.

«بۇل ناۋقان ءبىزدىڭ مادەنيەت پەن داستۇرلەرگە نازار اۋدارۋ باعىتىنداعى ماڭىزدى قادام. ءبىز جىل سايىن ەلىمىزدىڭ مادەني مۇراسىنىڭ ماڭىزدىلىعىن اتاپ ءوتۋ ءۇشىن وسىنداي اكسيالاردى وتكىزۋگە تىرىسامىز. مۇنداي وقيعالار قوناقتارىمىزدىڭ كوڭىلىن كوتەرۋمەن قاتار، تاريحىمىز بەن مادەنيەتىمىزدى تۇسىنۋگە جانە قۇرمەتتەۋگە سەپتىگىن تيگىزەدى»، - دەدى الماتى قالاسى تۋريزم باسقارماسىنىڭ باسشىسى عاليا توقسەيىتوۆا.

ءىس-شارانىڭ باستى ماقساتى - تۋريستەردى تارتۋ جانە ەلدىڭ تاريحي جانە مادەني مۇراسىمەن تانىستىرۋ.

سوڭعى جاڭالىقتار