الماتىدا ترانسۇلتتىق ۇيىمداسقان قىلمىستىق توپ مۇشەلەرى سوتتالدى

الماتى. KAZINFORM - الماتىدا ترانسۇلتتىق ۇيىمداسقان قىلمىستىق توپ مۇشەلەرىنە ۇكىم شىقتى.

بەلگىلى بولعانداي، ايىپتالۋشىلار قازاقستاندا بىرنەشە ەسىرتكى زەرتحانالارىن قۇرىپ، سينتەتيكالىق ەسىرتكى جەتكىزۋشىلەرى مەن بەتبەلگى قويۋشىلاردى «جۇمىسقا» تارتۋدى كوزدەگەن.

حالىقارالىق قىلمىستىق توپ ءى ءى م مەن الماتى پوليتسياسىنىڭ جۇرگىزگەن جەدەل جۇمىسىنىڭ ناتيجەسىندە قولعا ءتۇستى.

ارنايى ءىس-شارانىڭ ءارتۇرلى كەزەڭدەرىندە پوليتسيا قىزمەتكەرلەرى پرەكۋرسورلاردىڭ كونترابانداسىمەن اينالىسقان ءۇش شەتەلدىكتى ۇستادى.

جالعا الىنعان قويمالاردى رۇقسات ەتىلگەن ءتىنتۋ بارىسىندا پسيحواكتيۆتى زاتتاردى سينتەزدەۋگە ارنالعان 1160 بوشكە، ءارتۇرلى پرەكۋرسورلار، «سينتەتيكا» وندىرۋگە ارنالعان 7 قوراپ ارنايى زەرتحانالىق جابدىق، ەكى رەاكتور جانە 5 حيميالىق قۇرال-جابدىق تابىلىپ، تاركىلەندى.

- الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن اتالعان ۇيىمداسقان قىلمىستىق توپتىڭ ءتورت مۇشەسى جوعارىدا اتالعان قىلمىستاردى جاساعانى ءۇشىن كىنالى دەپ تانىلىپ، 10 جىلدان 14 جىلعا دەيىن باس بوستاندىعىنان ايىرىلدى، - دەپ حابارلادى پوليتسيادان.

وسىعان دەيىن ەلگە ەسىرتكى تاسىمالداپ كەلگەن قازاقستان ازاماتى مەن ەكى شەتەلدىك سوتتالعان بولاتىن.

الما مۇقانوۆا

اۆتور