الماتىدا رەفەرەندۋم ۋچاسكەسىندە ءانۇران ىم-يشارا تىلىندە ورىندالدى
الماتى. KAZINFORM - الماتىداعى بارلىق داۋىس بەرۋ ۋچاسكەلەرىندە ا ە س سالۋ ماسەلەسى جونىندەگى رەسپۋبليكالىق رەفەرەندۋم قازاقستاننىڭ ءانۇرانىن سالتاناتتى ورىنداۋدان باستالدى.
ەرەكشە ءىس- شارا № 6 وقۋشىلار ۇيىندەگى سايلاۋ ۋچاسكەسىندە ءوتتى. بۇل جەردە ءانۇران تۇركسىب اۋدانىنىڭ اكىمدىگى مەن «قازاقستان ساڭىراۋلار قوعامى» قوعامدىق بىرلەستىگىنىڭ بىرلەسۋىمەن سۋردواۋدارماشىلاردىڭ كومەگىمەن ىم تىلىنە اۋدارىلدى. بۇل ءىس-شارا وسى اۋداندا تۇراتىن ەستۋ جانە سويلەۋ قابىلەتى بۇزىلعان ازاماتتارعا ءانۇران ارقىلى پاتريوتتىق سەزىم سىيلادى.
ايتا كەتكەن ءجون، رەفەرەندۋم وتكىزىلگەن كۇنى سايلاۋ ۋچاسكەلەرىندە جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن ونلاين رەجيمدە 76 سۋردواۋدارماشى جۇمىس ىستەيدى. ولار ەستۋ قابىلەتى ناشار ادامدارعا سايلاۋ ەرەجەسىمەن تانىسىپ، تولىق اقپارات الۋعا كومەكتەسەدى. ينكليۋزيۆتىلىكتى ارتتىرۋ جانە بارلىق قالا تۇرعىنىنا تەڭ قۇقىقتى قامتاماسىز ەتۋ ماقساتىندا ۇيىمداستىرىلعان بۇل باستاما ەستۋ جانە سويلەۋ قابىلەتى بۇزىلعان ازاماتتاردىڭ سايلاۋعا كەدەرگىسىز قاتىسۋىنا مۇمكىندىك بەرەدى.
