الماتىدا ەۋرازيالىق ۇكىمەتارالىق كەڭەستىڭ وتىرىسى وتەدى

الماتى. قازاقپارات - 1-3-اقپاندا الماتىدا ەۋرازيالىق ۇكىمەتارالىق كەڭەستىڭ كەزەكتى وتىرىسى وتەدى.

وعان قازاقستان، رەسەي، ارمەنيا، بەلارۋس، قىرعىزستان ۇكىمەت باسشىلارى مەن ەۋرازيالىق ەكونوميكالىق كوميسسيا القاسىنىڭ باسشىسى قاتىسادى. سونداي-اق ە ا ە و جانىنداعى باقىلاۋشى مەملەكەتتەردىڭ وكىلدەرى، ت م د باس حاتشىسى جانە ەۋرازيالىق دامۋ بانكىنىڭ باسقارما ءتوراعاسى شاقىرىلدى.

وتىرىستىڭ كۇن تارتىبىندە ساۋدا-ەكونوميكالىق ىنتىماقتاستىق، ە ا ە و-نىڭ ينتەگراتسيالانعان اقپاراتتىق جۇيەسى جانە تاعى باسقا ماسەلەلەر قامتىلعان.

ەرتەڭ ە ا ە و ەلدەرىنىڭ پرەمەر-مينيسترلەرى جىل سايىنعى «Digital Almaty» فورۋمىنىڭ پلەنارلىق وتىرىسىنا قاتىسادى.

پانەلدىك پىكىرتالاستار شەڭبەرىندە حالىقارالىق ساراپشىلار، سالا كوشباسشىلارى، IT جانە بيزنەس سالاسىنداعى جەتەكشى يننوۆاتورلار قاتارىنان 200 دەن اسا سپيكەر ءوز ويلارىن ورتاعا سالادى.