الماتىدا قىتاي ازاماتىنان 4,5 مىڭعا جۋىق اقبوكەن ءمۇيىزى تاركىلەندى
الماتى. KAZINFORM - الماتىدا قىتاي ازاماتىنان 4,5 مىڭعا جۋىق اقبوكەن ءمۇيىزى تاركىلەندى، دەپ حابارلايدى Polisia.kz.
ارنايى ءىس-شارانى الماتىدا كريمينالدىق پوليتسيانىڭ «كيبەرپول» قىزمەتكەرلەرى جۇرگىزگەن.
- جەتىسۋ اۋدانىنداعى جەكە ۇيلەردىڭ بىرىندە 58 جاستاعى ق ح ر-نىڭ ازاماتى ۇستالدى. ونى ءتىنتۋ كەزىندە اقبوكەن ءمۇيىزى سالىنعان 50 قوراپ تابىلدى جانە تاركىلەندى.
ەر ادامنىڭ ايتۋىنشا، ول قىزىل كىتاپقا ەنگەن ەلەمەنتتەردى الماتى وبلىسىنان ساتىپ الىپ، ەمدىك ماقساتتا ءوز ەلىنە تاسىمالداۋدى جوسپارلاعان. اقبوكەندى زاڭسىز جويۋ، سونداي-اق ونى نەمەسە ونىڭ دەريۆاتتارىن، ونىڭ ىشىندە مۇيىزدەرىن الۋ، ساقتاۋ، وتكىزۋ، يمپورتتاۋ، كىرگىزۋ، جونەلتۋ، تاسىمالداۋ دەرەكتەرى بويىنشا قىلمىستىق ءىس قوزعالدى. اقبوكەن مۇيىزدەرىن ساتۋ ارناسى انىقتالۋدا، - دەدى الماتى قالالىق پ د كريمينالدىق پوليتسيا باسقارماسىنىڭ باستىعى تالانت يسايەۆ.
ق ر ق ك-نىڭ 201-بابىنا سايكەس، وزگە اقپارات تەرگەۋ مۇددەسىنە وراي جاريا ەتىلمەيدى.
