الماتىدا قىلمىس الەمىندەگى «دۋەت» ۇستالدى

استانا. KAZINFORM - الماتى ءتورت پاتەر ۇرلىعىنا قاتىسى بار قىلمىستىق توپ ۇستالدى.

الماتى پوليتسياسىنىڭ قىزمەتكەرلەرى پاتەر توناۋعا ماماندانعان قىلمىستىق توپتى قۇرىقتادى. ۇستاۋ ءىس-شاراسىن كريمينالدىق پوليتسيا قىزمەتكەرلەرى پوليتسيانىڭ ارنايى جاساعى مەن الاتاۋ اۋداندىق پوليتسيا باسقارماسىنىڭ جەدەل ۋاكىلدەرىنىڭ كومەگىمەن جۇرگىزدى.

قازىرگى ۋاقىتتا ۇستالعانداردىڭ ءتورت پاتەر ۇرلىعىنا قاتىسى بار ەكەنى بەلگىلى بولدى.

«كۇدىكتىلەر ستاندارتتى تىزبەك بويىنشا ارەكەت ەتكەن. ءۇي يەلەرىنىڭ ۇيدە جوقتىعىن تەكسەرىپ الىپ، ولار كىلتتى تاڭداۋ ارقىلى ۇيگە كىردى. ولار بايقاتپاي اكەتۋگە بولاتىن بارلىق زاتتاردى - التىن بۇيىمداردى، اقشانى جانە تۇرمىستىق زاتتاردى الىپ كەتتى. سوڭعى قىلمىس قالانىڭ الاتاۋ اۋدانىندا تىركەلدى: كۇدىكتىلەر پاتەرگە كىرگەن سوڭ بوتەن ادامنىڭ زەرگەرلىك بۇيىمدارىن الىپ كەتكەن»، - دەدى الماتى قالالىق پ د كريمينالدىق پوليتسيا باسقارماسىنىڭ باستىعى ماقسات قاناپيايەۆ.

كۇدىكتىلەر - 28 جاستا. ەكەۋى دە الماتى وبلىسىنىڭ تۋماسى، بۇرىن دا وسىعان ۇقساس قىلمىس جاساعانى ءۇشىن سوتتى بولعان. قازىرگى ۋاقىتتا «قىلمىستىق دۋەتتىڭ» مۇشەلەرى ۋاقىتشا ۇستاۋ يزولياتورىنا قامالدى. ق ر ق ك- ءنىڭ 188-بابى 3-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.

ق ر ق ك- ءنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋتسياسىنىڭ 77-بابى 3-ءبولىمى 1-تارماعى، ق ر ق ك- ءنىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.