الماتىدا قۇرىلىس كومپانياسىنىڭ باسشىسىنا ىزدەۋ جاريالاندى
الماتى. KAZINFORM - قازاقستان ىشكى ىستەر مينيسترلىگى NEF Qazaqstan باسشىسى وسكاي تارىكقا ىزدەۋ جاريالادى.
قۇقىقتىق ستاتيستيكا جانە ارنايى ەسەپكە الۋ ورگاندارى پورتالىنىڭ مالىمەتىنشە، الماتى پوليتسياسى NEF Qazaqstan كومپانياسىنىڭ باسشىسى تارىك ۆولكان وسكايدىڭ ىزدەپ جاتىر.
قىلمىستىق ءىس 2024 -جىلدىڭ 18- ساۋىرىندە الماتى قالاسىندا تىركەلگەن.
الماتى قالالىق پوليتسيا دەپارتامەنتىنەن اتاپ وتكەندەي، الاياقتىق فاكتىسى بويىنشا بوستاندىق اۋداندىق پوليتسيا باسقارماسىندا قىلمىستىق ءىس تەرگەلگەن.
- قىلمىستىق ءىس بويىنشا ازامات و. سىرتتاي كۇدىكتى رەتىندە تانىلدى. كەيىننەن سوت وعان قاتىستى «قاماۋدا ۇستاۋ» تۇرىندەگى بۇلتارتپاۋ شاراسىن سىرتتاي سانكسيالادى. قازىرگ كۇدىكتىنىڭ تۇرعان جەرىن انىقتاۋعا جانە ونى ۇستاۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر، - دەپ ءتۇسىندىردى قالالىق پوليتسيانىڭ باسپا ءسوز قىزمەتى.
2022 -جىلى Astana International Exchange (AIX) الاڭى NEF Qazaqstan كومپانياسىنىڭ 6 ميلليارد تەڭگە كولەمىندە العاشقى وبليگاتسيالارىن ورنالاستىرعانىن مالىمدەگەن بولاتىن.
الايدا,2023 -جىلى كومپانيا AIX پلاتفورماسىندا العاش رەت دەفولتقا جول بەردى - ول 4 ميلليارد تەڭگەدەن اساتىن نەگىزگى قارىزدى، سونداي- اق 402 ميلليون تەڭگە كولەمىندەگى كۋپوندىق تولەمدى وتەۋ بويىنشا ءوز مىندەتتەمەلەرىن ورىنداي الماعان.
اۆتور
الما مۇقانوۆا
