الماتىدا قۋراعان ءشوپ جاسىل تۇسكە بويالىپ جاتىر
الماتى. KAZINFORM - الماتىدا كوممۋنالدىق قىزمەتكەرلەر جولداردىڭ جيەگىندەگى ءشوپتى جاسىل تۇسكە بوياعان.
الماتى اكىمدىگىنىڭ جاۋابىنا سايكەس، جازدا جاۋىن-شاشىننىڭ از بولۋىنا بايلانىستى مەدەۋ اۋدانىندا كوگالدىڭ ەستەتيكالىق كورىنىسىن ساقتاۋ ءۇشىن تىڭايتقىشتار قوسىلعان ارنايى بوياعىش قولدانىلدى.
- اتالعان قۇرال ورگانيكالىق پيگمەنتتەر نەگىزىندە جاسالعان، ۋلى زاتتاردان تازا جانە ادامدار مەن جانۋارلار ءۇشىن قاۋىپسىز. ول ءشوپ جامىلعىسىنا جاسىل رەڭك بەرىپ، ونىڭ جاقسى سىرت كەلبەتىن ساقتاۋعا مۇمكىندىك بەرەدى. بۇل ءونىم سەرتيفيكاتتالعان جانە ا ق ش، ب ا ءا، يسپانيا مەن وڭتۇستىك كورەيا سياقتى كليماتى ىستىق ەلدەردە كەڭىنەن قولدانىلادى، - دەپ حابارلادى اكىمدىكتەن.
سونىمەن قاتار جاسىل جەلەكتى سۋارۋ، كۇتىم جاساۋ مەن كوگالداندىرۋ جۇمىستارىنا، سونىڭ ىشىندە قۋاڭشىلىققا ءتوزىمدى وسىمدىكتەردى وتىرعىزۋعا نازار اۋدارىلىپ وتىرعانى ايتىلدى.
ەسكە سالايىق، بۇعان دەيىن الماتىدا جەر جاسىل بوياۋمەن بويالعان ەدى. وندا قالا اكىمدىگى گازون ءشوبىنىڭ تۇقىمىنا گيدروسەبۋ ءتاسىلى قولدانىلعانى حابارلادى.
