الماتىدا قۇنى 5,9 ميلليارد تەڭگە جەر مەملەكەت مەنشىگىنە قايتارىلدى
استانا. KAZINFORM - الماتى پروكۋراتۋراسىنىڭ كومەگىمەن 71,9 گەكتار جەر مەملەكەت مەنشىگىنە ءوتتى، دەپ حابارلايدى ۆەدومستۆونىڭ باسپا ءسوز قىزمەتى.
الماتى قالاسىنىڭ پروكۋراتۋراسى قۇرىلتايشىسى شەتەلدىك كومپانيا بولىپ تابىلاتىن زاڭدى تۇلعانىڭ زاڭسىز يەلىگىندەگى 72 گەكتار اۋىل شارۋاشىلىعى جەرىن مەملەكەت مەنشىگىنە قايتارۋعا سەپتىگىن تيگىزدى.
- تەكسەرىس ناتيجەسىندە قالانىڭ ەليتالىق بولىگىندە ورنالاسقان ۋچاسكەلەر جەر كودەكسىنىڭ تالاپتارىن بۇزا وتىرىپ پايدالانىلعانى انىقتالدى. سەبەبى شەتەلدىك سۋبەكتىلەر قازاقستان اۋماعىندا اۋىل شارۋاشىلىعى جەرلەرىنە يەلىك ەتە المايدى. 2025-جىلعى 16-شىلدەدە پروكۋراتۋرانىڭ تالاپ-ارىزى بويىنشا قالانىڭ مامانداندىرىلعان اۋدانارالىق ەكونوميكالىق سوتى جەردى مەملەكەتكە قايتارۋ تۋرالى تالاپتاردى قاناعاتتاندىردى. وسىلايشا، قۇنى 5,9 ميلليارد تەڭگە جەر تەلىمى مەملەكەت مەنشىگىنە قايتارىلدى، - دەلىنگەن حابارلامادا.
بۇدان بۇرىن الماتىدا 34 جەر تەلىمى ءماجبۇرلى تۇردە مەملەكەت مەنشىگىنە الىناتىنى انىقتالدى.
