18:08, 17 - ناۋرىز 2025 | GMT +5
الماتىدا قار كوشكىنى سالدارىنان ءبىر ادام قازا تاۋىپ، ەكى ادام جاراقات الدى
الماتى. KAZINFORM - الماتى قالاسى ت ج د مالىمەتىنشە، 112 پۋلتىنە «شىمبۇلاق» تاۋ-شاڭعى كۋرورتىنىڭ ديسپەتچەرىنەن كومسومول شىڭى ماڭىندا قار كوشكىنى بولعانى تۋرالى حابارلاما كەلىپ تۇسكەن.

ناقتىلانعان اقپارات بويىنشا، 3 ادام «شىمبۇلاق» كۋرورتىنان 1 ك م قاشىقتىقتا تىيىم سالىنعان جەردە سىرعاناعان.
- شاڭعىمەن سىرعاناۋ كەزىندە ءۇش ادام كولبەۋدى كەسىپ، قار كوشكىنى جۇرۋىنە سەبەپ بولدى. ناتيجەسىندە ۇشەۋى دە ۇيىندى استىندا قالدى. ەكەۋى ءوز بەتىنشە شىعا الدى، ءۇشىنشى ادامنىڭ جانسىز ءمايىتىن «شىمبۇلاق» قۇتقارۋشىلارى قار استىنان الىپ شىقتى، - دەپ حابارلادى قالالىق ت ج د.
ەسكە سالايىق، بۇعان دەيىن شىمبۇلاقتا قار كوشكىنى بولعانىن جازعانبىز.
سونداي-اق قار كوشكىنىنە سەبەپكەر بولعان شاڭعىشىلاردىڭ جازاعا تارتىلۋى تۋرالى جازعان ەدىك.
اۆتور
دوسبول اتاجان