الماتىدا قالا كۇنىندە ۇشەم دۇنيەگە كەلدى

الماتى. KAZINFORM - قىركۇيەكتىڭ ءۇشىنشى جەكسەنبىسىندە الماتىدا قالا كۇنى اتاپ ءوتىلدى.

مەرەكە كۇنى مەگاپوليس پەرزەنتحانالارىندا 69 ءسابي دۇنيەگە ەسىگىن اشتى. ونىڭ ىشىندە: 32 ۇل جانە 37 قىز. قالانىڭ قوعامدىق دەنساۋلىق ساقتاۋ باسقارماسى نارەستەلەر مەن ولاردىڭ انالارى قازىر وزدەرىن جاقسى سەزىنىپ وتىرعانىن حابارلادى.

سونداي-اق ۆەدومستۆو مالىمەتىنشە، قالالىق پەريناتالدىق ورتالىقتا ۇشەم دۇنيەگە كەلدى. سالماعى 1968 گرام جانە بويى 42 س م ۇل، سالماعى 1648 گرام جانە بويى 40 س م قىز، سالماعى 1699 گرام جانە بويى 41 س م بولاتىن تاعى ءبىر قىز ومىرگە كەلدى. وتباسى «اڭساعان ءسابي» ە ك ۇ مەملەكەتتىك قولداۋ باعدارلاماسىنا جۇگىنگەن. سابيلەردىڭ اناسى 30 جاستا.

- وتاعا ساعات تاڭعى ءتورت بولعانىنا قاراماستان، پەريناتالدىق ورتالىقتىڭ بىلىكتى ماماندار توبى جەدەل جۇمىلدىرىلدى. دارىگەرلەردىڭ ۇيلەسىمدى جۇمىسىنىڭ ارقاسىندا كەسىر تىلىگى ءساتتى ءوتتى. سابيلەر بىردەن جاڭا تۋعان نارەستەلەردىڭ جانساقتاۋ بولىمىندە كومەك الدى، سودان كەيىن پاتولوگيا بولىمىنە اۋىستىرىلدى، - دەپ حابارلادى باسقارمادان.

ەسكە سالايىق، بۇعان دەيىن ۇشەمدەرى بار وتباسىلار قاي وڭىرلەردە كوپ تىركەلگەنىن جازعانبىز.