الماتىدا قاجىمۇقان مەن نازاربايەۆ كوشەلەرى ۋاقىتشا جابىلادى

  الماتى. KAZINFORM -نازاربايەۆ داڭعىلى مەن قاجىمۇقان كوشەسىنىڭ ءبىر بولىگىنە جوندەۋ جۇرگىزۋگە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى.

الماتى اكىمدىگىنەن ءمالىم ەتكەندەي، 30-قازان كۇنى ساعات 10:00 دەن 15:00 گە دەيىن قاجىمۇقان كوشەسىنىڭ №22-ۇيىنەن نازاربايەۆ داڭعىلىنا دەيىنگى ۋچاسكەدە قوزعالىس جابىلادى. بۇل اۋماقتى دوستىق داڭعىلى مەن س. بايجانوۆ كوشەسى ارقىلى اينالىپ وتۋگە بولادى.

سونداي- اق 30-قازاندا ساعات 15:00 دەن 23:00 گە دەيىن نازاربايەۆ داڭعىلىنىڭ قاجىمۇقان كوشەسىنەن ءال- فارابي داڭعىلىنا دەيىنگى ۋچاسكەسىندە قوزعالىس شەكتەلەدى. بۇل اۋماقتى قاجىمۇقان، مەڭدىقۇلوۆ جانە دوستىق داڭعىلدارى ارقىلى اينالىپ وتۋگە بولادى.

جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى.