الماتىدا چەمپيونداردىڭ قاتىسۋىمەن وتكەن حالىقارالىق جارىس اياقتالدى

الماتىدا تۇڭعىش رەت دزيۋدودان ەرلەر اراسىندا حالىقارالىق كوماندالىق «Jenys Cup» ءتۋرنيرى ءوتتى، دەپ حابارلايدى Kazіnform.

ق ر دزيۋدو فەدەراتسياسىنىڭ باسپا ءسوز قىزمەتىنەن ءمالىم ەتكەندەي، قازاقستاندىق «Jenys» دزيۋدو كلۋبى بايراقتى دودانىڭ قول جۇلدەسىن جەڭىپ الدى. اتالعان كلۋب سپورتشىلارى «Lokomotiv Green Hill» كلۋبىمەن كەزدەستى.

ەلىمىز نامىسىن قورعاعان كۋبانىچبەك ايبەكۋۋلى (-66 كەلى)، اسقار نارقۇلوۆ (-73 كەلى)، جانساي سماعۇلوۆ (73- كەلى)، تاتو گريگالاشۆيلي (81- كەلى)، ەرلان شەروۆ (-90 كەلى) پەن سابا ينانەشۆيلي (90+ كەلى) ازۋلى قارسىلاستارىن 3:0 ەسەبىمەن تازا جەڭىپ شىقتى.

بۇل كەزەڭگە دەيىن «Jenys» كلۋبى «Spanish Judo Car- Madrid» ،«Stayky» جانە «Genco» كلۋبتارىنىڭ سپورتشىلارىن ۇتىپ شىققان بولاتىن.

جارىس ناتيجەسىندە فينالدا بەلدەسكەن «Shevardenى» كلۋبى چەمپيون اتانسا، «Hoji Sharif» كۇمىس جۇلدەگە قول جەتكىزدى. ال «Jenys» جانە «edelweiss» كلۋبتارى ءۇشىنشى ورىندى ءبولىستى.

سونىمەن قاتار ۇيىمداستىرۋشىلار شەشىمىمەن جارىس بارىسىندا ۇزدىك بولىپ تانىلعان سپورتشىلارعا ارنايى جۇلدەلەر تابىستالدى.

وسىلايشا، «ۇزدىك دزيۋدوشى» نوميناتسياسى بويىنشا ۇزدىك تەحنيكا ءۇشىن تاتو گريگالاشۆيلي دزيۋدو جاناشىرى بەكەت ماحمۇتوۆتىڭ قۇرمەتىنە ارنالعان جۇلدە جانە 10 مىڭ دوللار سىياقىمەن ماراپاتتالدى.

«ۇزدىك ءادىس» نوميناتسياسىندا قايرات مۇقانوۆتىڭ قۇرمەتىنە ارنالعان جۇلدە كوتە كاپانادزەگە بۇيىرسا، «جەڭىسكە دەگەن ىنتاسى ءۇشىن» نوميناتسياسىندا قانات بايشۋلاقوۆتىڭ قۇرمەتىنە ارنالعان جۇلدەمەن جانساي سماعۇلوۆ، وليمپيادا ويىندارىنىڭ جۇلدەگەرى، الەم چەمپيونى ەلدوس سمەتوۆتىڭ جۇلدەسىمەن كۋبانىچبەك ايبەكۋۋلى، الەم چەمپيونى ماكسيم راكوۆتىڭ جۇلدەسىمەن داستان جۇماجانوۆ ماراپاتتالىپ، ءارقايسىسىنا 5 مىڭ ا ق ش دوللارى سىياقىسى تاعايىندالدى.

ەلىمىزدە تۇڭعىش رەت وتكىزىلىپ وتىرعان جارىستىڭ اشىلۋ سالتاناتىنا قازاقستان دزيۋدو فەدەراتسياسىنىڭ پرەزيدەنتى قۋانىشبەك ەسەكەيەۆ پەن حالىقارالىق دزيۋدو فەدەراتسياسى پرەزيدەنتىنىڭ كەڭەسشىسى الماز السەنوۆ قاتىستى.

ەستەرىڭىزگە سالا كەتسەك، «Jenys Cup» تۋرنيرىنىڭ جالپى جۇلدە قورى 100 مىڭ ا ق ش دوللارىن قۇرايدى: 1-ورىن - 30 مىڭ دوللار، 2-ورىن - 20 مىڭ دوللار، 3-ورىن - ءار كومانداعا 10 مىڭ دوللاردان.

اۆتور كۇنسۇلتان وتارباي