الماتىدا موپەد جۇرگىزۋشىسى تۇرعىن ءۇيدىڭ قاقپاسىنا سوعىلىپ، قايتىس بولدى
الماتىدا موپەد جۇرگىزۋشىسى قاراڭعىدا تۇرعىن ءۇيدىڭ قاقپاسىنا سوعىلىپ قايتىس بولدى، - دەپ حابارلايدى Tengrinews.kz ءتىلشىسى. جەلىدە وقيعانىڭ ۆيدەوسى پايدا بولدى.
تاتىبەكوۆ كوشەسىنىڭ (الماتى مەدەۋ اۋدانى) تۇرعىندارىنىڭ مالىمەتىنشە، وقيعا تۇندە بولعان. ولاردىڭ ايتۋىنشا، كوشە جەتكىلىكتى تۇردە جارىقتاندىرىلماعان، سالدارىنان قايعىلى وقيعا بولدى.
«بەيىمبەتوۆ كوشەسىنىڭ استىنداعى تاتىبەكوۆ كوشەسىنىڭ ناشار جارىقتاندىرىلۋىنا بايلانىستى موپەد جۇرگىزۋشىسى تۇيىق كوشەنى كورمەي، توقتاپ ۇلگەرمەدى. قاقپاعا سوعىلدى. بىرەۋى قايتىس بولدى، ەكىنشىسى رەانيماتسيادا. كوشە تۇرعىندارى Open Almaty ارقىلى بىرنەشە رەت جۇگىنىپ، مەدەۋ اۋدانىنىڭ اكىمىمەن كەزدەسۋدە دە وسى ماسەلەنى كوتەردى. بۇل جول مەكتەپكە اپارادى، بالالار وسىلاي قاراڭعىدا مەكتەپكە بارىپ، قايتادى. موپەد جۇرگىزۋشىسىنە وبال بولدى»، - دەلىنگەن جازبادا.
