الماتىدا مەملەكەتتىك رامىزدەر كۇنى قالاي تويلانادى
الماتى. KAZINFORM - الماتىدا ق ر مەملەكەتتىك رامىزدەرى كۇنىنە وراي ءتۇرلى ءىس-شارا ۇيىمداستىرلادى.
الماتى اكىمدىگىنىڭ مالىمەتىنشە، ساعات 11:00-دە «مەدەۋ» بيىك تاۋلى سپورت كەشەنىنىڭ الاڭىندا مەملەكەتتىك تۋدى كوتەرۋ جانە ءانۇراندى ورىنداۋ سالتاناتتى ءراسىمى وتەدى.
15:00-دە الەۋمەتتىك قىزمەتتەر ۇيىندە قوعام قايراتكەرلەرىنىڭ، تاريحشىلاردىڭ، ساراپشىلاردىڭ، ۇكىمەتتىك ەمەس ۇيىمدار وكىلدەرىنىڭ جانە جاستاردىڭ قاتىسۋىمەن «كوك تۋدىڭ جەلبىرەگەنى» تاقىرىبىندا كونفەرەنسيا ۇيىمداستىرىلادى.
16:00-دە «الاتاۋ» ءداستۇرلى ونەر تەاترىندا ق ر مەملەكەتتىك رامىزدەر كۇنىنە ارنالعان مەرەكەلىك كونتسەرت وتەدى.
19:00-دە جامبىل اتىنداعى قازاق مەملەكەتتىك فيلارمونياسىندا ن. تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترىنىڭ «مەنىڭ ەلىم» پاتريوتتىق كونتسەرتى وتەدى.
قالانىڭ بارلىق اۋداندارىندا مەرەكەلىك كونسەرتتەر وتەدى:
اۋەزوۆ اۋدانى:
ساعات 10:00-دە - اۋەزوۆ اۋدانى اكىمى اپپاراتىنىڭ الدىندا (التىنسارين داڭع، 23) - ق ر مەملەكەتتىك ءانۇراندى ورىنداۋ جانە مەملەكەتتىك تۋدى كوتەرۋ بويىنشا فلەشموب بولادى.
10:00-دە I-اۋىسىم، 15:00-دە Ⅱ اۋىسىم «شىڭعا ورلەۋ» الەۋمەتتىك كلۋبىندا «قازاقستاننىڭ مەملەكەتتىك رامىزدەرى جانە ونىڭ دامۋ تاريحى» تاقىرىبىندا دوڭگەلەك ۇستەل وتەدى.
11:00-دە - جالاۋشالارمەن بەزەندىرىلگەن 12 ماشينامەن اۆتوشەرۋ. اۆتوشەرۋ باعىتى يم ن. ساتس اتىنداعى ت ي ز-دەن باستالىپ، ودان ءارى شەرۋ ساين كوشەسىمەن رايىمبەك داڭعىلىنا دەيىن جانە كەرى قاراي ساين كوشەسىمەن جاندوسوۆ كوشەسىنە دەيىن جىلجيدى،
17:00-دە - «رامىزدەر- ەل مارتەبەسى» فوتوكورمەسى (مامىر-1، 29/7).
جەتىسۋ اۋدانى:
12:00-دە «كەمەل» مادەنيەت ۇيىندە «قازاقستاننىڭ مەملەكەتتىك رامىزدەرى - ۇلتتىق ماقتانىش» اتتى دوڭگەلەك ۇستەل وتەدى.
الاتاۋ اۋدانى:
09:00-دە - الاتاۋ اۋدانى اكىمدىگىنىڭ الدىنداعى الاڭدا ق ر ءانۇرانى سالتاناتتى تۇردە ورىندالادى.
10:00 - دە ق ر مەملەكەتتىك رامىزدەر كۇنىنە ارنالعان ۆەلوجارىس ب. مومىش ۇلى كوشەسى بويىمەن ب. مومىش ۇلى مەن موڭكە بي كوشەلەرىنىڭ قيىلىسىنان «الماتى ارەنا» مۇز ايدىنىنا دەيىن.
المالى اۋدانى:
11:00 - ق ر ءانۇرانىن سالتاناتتى تۇردە ورىنداۋ.
كۇنى بويى - ارباتتا ( پانفيلوۆ كوشەسى، 101,103 ۇيلەرىنىڭ بالكونىنا) جانە «الماتى» قوناقۇيىنە ق ر تۋى ىلىنەدى.
بوستاندىق اۋدانى:
11:00-دە «اتاكەنت» اۋماعىندا «4-ماۋسىم - رامىزدەر كۇنى» مەرەكەسىنە وراي ءانۇران سالتاناتتى تۇردە ورىندالادى.
14:00-دە ۇلتتىق كىتاپحانادا «ەلتاڭباسىمەن ەڭسەلى، انۇرانىمەن ايبىندى، تۋىمەن تۇعىرلى» تاقىرىبىندا دوڭگەلەك ۇستەل وتەدى.
ناۋرىزباي اۋدانى:
10:00-دە امفيتەاتردا 100 سارباز، 30 كۋرسانت، ارداگەرلەر، بالاباقشالار مەن «شىڭعا ورلەۋ» الەۋمەتتىك كلۋبىنىڭ بالالارى، اۋداندىق قىزمەتتەردىڭ، باسقارمالاردىڭ جانە اۋدان اكىمدىگىنىڭ قىزمەتكەرلەرى ءانۇراندى ورىندايدى.
سونداي-اق، يننوۆاتسيالىق شىعارماشىلىق ورتالىعىنىڭ 45 دومبىراشىسى بالبىراۋىن، ەركە سىلقىم كۇيلەرىن دومبىرادا تارتادى.
10:00-دە ناۋرىزباي اۋدانى اكىمدىگىنىڭ اۋماعىندا امفيتەاتردا «مەملەكەتتىك رامىزدەر» تاقىرىبىندا كورمە وتەدى.
11:00-دە اباي - ساين - شالياپين - ءاشىموۆ - جاندوسوۆ - كارەرنايا كوشەلەرىنىڭ بويىمەن اۆتوشەرۋ وتەدى.
تۇركسىب اۋدانى:
11:00-دە №6-وقۋشىلار ءۇيىنىڭ الدىندا «4-ماۋسىم - رامىزدەر كۇنى» مەرەكەسىنە وراي ق ر ءانۇرانى سالتاناتتى تۇردە ورىندالادى.
اۆتور
الما مۇقانوۆا
