الماتىدا لاڭكەستىككە قارسى جاتتىعۋ ءوتىپ جاتىر

بۇگىن الماتى قالاسىنىڭ تۇركسىب اۋدانىندا ورنالاسقان №8 قالالىق كلينيكالىق اۋرۋحانا اۋماعىندا 6:00-دەن 14:00-گە دەيىن لاڭكەستىككە قارسى جوسپارلى وقۋ- جاتتىعۋ ءوتىپ جاتىر، دەپ حابارلايدى Kazinform.

الماتى قالاسىنىڭ لاڭكەستىككە قارسى كۇرەس بويىنشا جەدەل شتابىنىڭ مالىمەتىنشە، وقۋ- جاتتىعۋدىڭ ماقساتى - ادامدار كوپ جينالاتىن جەرلەردە لاڭكەستىك سيپاتتاعى قاۋىپ- قاتەر تۋىنداعان جاعدايدا ءوزارا ءىس- قيمىل جاساۋ داعدىلارىن پىسىقتاۋ. جاتتىعۋ مىندەتتەرى لاڭكەستىك اكتىسىنىڭ جولىن كەسۋ مەحانيزمىن جەتىلدىرۋگە باعىتتالعان.

سونىمەن قاتار وقۋ- جاتتىعۋ كەزەڭىندە شەكتەۋ شارالارى قاراستىرىلعان.

«وسىعان بايلانىستى ءبىز ازاماتتاردى بولىپ جاتقان وقيعالارعا تۇسىنىستىكپەن قاراۋعا، تىنىشتىق پەن قاۋىپسىزدىك شارالارىن ساقتاۋعا، وقۋ- جاتتىعۋلارعا قاتىسقان مەملەكەتتىك قىزمەتكەرلەردىڭ زاڭدى تالاپتارىن ساقتاۋعا شاقىرامىز. «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىسۋشى تۇلعانىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەلەتىنىن ەسكەرتەمىز»، - دەپ حابارلادى جەدەل شتابتىڭ وكىلدەرى.

اۆتور

الما مۇقانوۆا