12:55, 09 - اقپان 2024 | GMT +6
الماتىدا «كوكتوبە» تەلەمۇناراسى جازعا قاراي جارىقتاندىرىلادى
الماتى. KAZINFORM - «كوكتوبە» تەلەمۇناراسىن وسى جىلدىڭ مامىر-ماۋسىم ايلارىندا ساۋلەتتىك جارىقتاندىرۋمەن جابدىقتاۋ جوسپاردا. بۇل تۋرالى قالا باسشىسى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋ بارىسىندا حابارلادى.
«2023-جىلدىڭ قاراشا ايىندا قالا سيمۆولىنىڭ ءبىرى - «كوكتوبە» تەلەمۇناراسىنىڭ ساۋلەتتىك-كوركەمدىك جارىقتاندىرۋىن جوبالاۋ بويىنشا دايىندىق جۇمىستارى باستالدى. قۇرىلىس-مونتاج جۇمىستارىن بيىل مامىر-ماۋسىم ايلارىندا اياقتاۋ جوسپارلانىپ وتىر»، - دەدى ەربولات دوسايەۆ.
بۇعان دەيىن اۋدان اكىمى ەركەبۇلان ورازالين تەلەمۇنارا 2024-جىلى جارىقتاندىرىلاتىنىن ايتقان ەدى.
كەيبىر بۇقارالىق اقپارات قۇرالدارىنىڭ حابارلاۋىنشا، تەلەمۇنارانى جارىقپەن جابدىقتاۋ جوباسى 1,2 ميلليارد تەڭگەگە باعالانىپ وتىر.
اۆتور
الما مۇقانوۆا
