الماتىدا ەكس-سۋديا ۇستالدى
الماتى. KAZINFORM - الەۋمەتتىك جەلىدە مەدەۋ اۋداندىق سوتىنىڭ ەكس-سۋدياسى سۆەتلانا جولمانوۆا ۇستالعانى تۋرالى اقپارات تارادى. بۇل دەرەكتى الماتى قالاسىنىڭ پوليتسيا دەپارتامەنتى راستادى.
پوليتسيا مالىمەتىنە سايكەس، ونىڭ ۇستىنەن الاياقتىق دەرەگى بويىنشا قىلمىستىق ءىس قوزعالعان.
- مەدەۋ اۋداندىق پوليتسيا باسقارماسى الاياقتىق دەرەگى بويىنشا قىلمىستىق ءىس قوزعادى. كۇدىكتى پوليتسياعا جەتكىزىلدى. تەرگەۋ شارالارى جۇرگىزىلىپ جاتىر، - دەدى قالالىق پ د باسپا ءسوز قىزمەتىنەن.
ەسكە سالايىق، 2021-جىلى الماتىلىق سۋديا الاياقتىق جاسادى دەگەن كۇدىككە ىلىنگەن بولاتىن.
بيىل 22-اقپانداعى پرەزيدەنت جارلىعىمەن ەل وڭىرلەرىندە سوت ءتوراعالارى مەن سۋديالار تاعايىندالدى.
سونداي-اق مەملەكەت باسشىسى سوت ءىسىن جەڭىلدەتۋگە قاتىستى ۇسىنىس ايتقانىن جازعانبىز.
ال جوعارعى سوت ءتوراعاسى سۋديالار دەربەستىگىندە جاڭا رەفورمالار ەرەكشە اسەر ەتكەنىن ايتتى.
