الماتىدا كلاسسيكالىق ۇشقىر بايگە وتەدى

استانا. KAZINFORM - الماتىدا 2024-جىلعى 18-مامىردا Qazaq Jockey Club ۇلتتىق سپورت قاۋىمداستىعىنىڭ قولداۋىمەن الماتى قالاسىنداعى يپپودرومدا كلاسسيكالىق ات جارىسىن وتكىزەدى.

جارىس اياسىندا ءارتۇرلى قاشىقتىقتا 8 ۇشقىر بايگە وتەدى. وعان ەلىمىزدەن 70 سايگۇلىك قاتىسادى. اتاپ ايتقاندا، باستاۋ جۇلدەسى (ق ر- دا تۋعان 2 جاسار جىلقىلار، 1000 مەتر قاشىقتىق)، سىناق جۇلدەسى (2 جاسار ايعىرلار، 1200 مەتر قاشىقتىق)، سىناق جۇلدەسى (2 جاس بيەلەر، 1200 مەتر قاشىقتىق)، سپرينتەرلىك جۇلدەسى (3 جاسار جىلقىلار، 1400 مەتر قاشىقتىق)، لوينا جۇلدەسى (3 جاسار بيەلەر، 1400 مەتر قاشىقتىق)، جەڭىس جۇلدەسى (ق ر- دا تۋعان 3 جاسار جىلقىلار، 1400 مەتر قاشىقتىق)، كۆاسوۆ اتىنداعى جۇلدە (ق ر- دا تۋعان 4 جاستان اسقان جىلقىلار، 1600 قاشىقتىق)، فرانسيا ءۇيى جۇلدەسى (4 جانە ودان جوعارى جىلقىلار، 1600 مەتر قاشىقتىق).

سونىمەن قاتار، كورەرمەندەرگە ارناپ باسقا دا ءتۇرلى قويىلىمدار، كوپتەگەن كونكۋرس، اتقا ءمىنۋ، ۇتىس ويىندارى جانە ت. ب. ۇيىمداستىرىلادى.

بيلەتتەردى https://ticketon.kz/ سايتىنان ونلاين الۋعا بولادى. باعاسى - 1000 تەڭگە.

يپپودرومنىڭ مەكەنجايى: الماتى قالاسى، قۇلاگەر شاعىن اۋدانى، وماروۆ كوشەسى، 10 «ا».

باستالۋى: 18 مامىر 2024-جىل، ساعات 15:00 دە.