الماتىدا كاسىپكەرلەرگە 2 جانە 6 پايىزبەن نەسيە بەرىلەدى
الماتى. KAZINFORM - مەگاپوليستە «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى بويىنشا نەسيە بەرىلىپ جاتىر.
«الماتى» ميكروقارجى ۇيىمى ۇسىنعان باعدارلاما شەڭبەرىندە شاعىن كاسىپكەرلىك سۋبەكتىلەر جىلدىق %2 جانە %6 مولشەرلەمە بويىنشا نەسيە الا الادى.
وسى جىلدىڭ ءبىرىنشى توقسانىندا جەرگىلىكتى بيزنەسكە 572 ميلليون تەڭگە سوماسىندا قارىز بەرىلگەن. نەسيەلەردىڭ ۇشتەن بىرىنەن استامى ءوندىرىس جانە قايتا وڭدەۋ سالاسىنداعى جوبالارعا تيەسىلى بولدى. سونداي-اق حالىققا قىزمەت كورسەتۋگە باعىتتالعان باستامالار (%21)، تۋريزم جانە ءبىلىم بەرۋ سالالارىنداعى جوبالار (%14) قارجىلاندىرىلدى.
«الماتى» ميكروقارجى ۇيىمى ءبىر كاسىپكەرگە ۇسىناتىن ەڭ جوعارى قارىز سوماسى - 78640000 تەڭگە. قارىز مەرزىمى - 7 جىلعا دەيىن. باعدارلاماعا قاتىسۋدىڭ نەگىزگى شارتى - الماتى قالاسىنىڭ اۋماعىندا بيزنەستى تىركەپ، جۇرگىزۋ قاجەت. سونداي-اق ءوندىرىس جانە قايتا وڭدەۋگە قاتىستى، الەۋمەتتىك سالالارداعى، يمپورت الماستىرۋعا، ەكسپورتقا، كرەاتيۆتى يندۋستريالارعا باعىتتالعان باستامالارعا باسىمدىلىق بەرىلەدى.
جەڭىلدەتىلگەن نەسيەلەۋ باعدارلاماسى تۋرالى تولىعىراق ۆەب-سايت ارقىلى بىلۋگە بولادى: https://mfoalmaty.kz
ەسكە سالايىق، ۇكىمەت جەكە كاسىپكەرلىكتى تىركەۋ ءراسىمىن قاتاڭداتپاق.
