الماتىدا جەر سىلكىنىسى كەزىندە دۇربەلەڭگە جول بەرگەن ءبىرقاتار باسشى قاتاڭ جاۋاپقا تارتىلدى
استانا. KAZINFORM - الماتى قالاسىنداعى جەر سىلكىنىسى كەزىندە ءتيىستى ارەكەت ەتپەگەن توتەنشە جاعدايلار مينيسترلىگى مەن قالالىق توتەنشە جاعدايلار دەپارتامەنتىنىڭ ءبىرقاتار لاۋازىمدى تۇلعالارى جاۋاپقا تارتىلدى.
«الماتى قالاسىندا جەر سىلكىنىسى كەزىندە بولىمشەلەردىڭ تيىسىنشە ارەكەت ەتپەۋ فاكتىسى بويىنشا توتەنشە جاعدايلار مينيسترلىگى جۇرگىزگەن قىزمەتتىك تەرگەۋ ناتيجەسىندە 14 قىزمەتكەر قاتاڭ جاۋاپقا تارتىلدى. ونىڭ ىشىندە مينيسترلىكتىڭ 4 باسشىسى، سونداي-اق ولاردىڭ 5 ورىنباسارى، 1 ۆەدومستۆولىق باعىنىستى ۇيىمنىڭ باسشىسى، اۋماقتىق بولىمشەنىڭ باسشىسى جانە ونىڭ ورىنباسارى بار»، - دەلىنگەن ت ج م باسپا ءسوز قىزمەتى تاراتقان حابارلامادا.
سونداي-اق، وندا توتەنشە جاعدايلار مينيسترلىگى مەن توتەنشە جاعدايلار دەپارتامەنتىنىڭ 2 باسشىسىنا قاتىستى جاۋاپكەرشىلىك ەرتەرەك ءوندىرىپ الۋمەن شەكتەلگەنى جازىلعان.
ايتا كەتسەك، بۇعان دەيىن الماتى قالاسىنداعى جەر سىلكىنىسى كەزىندە دۇرىس ارەكەت ەتپەگەنى ءۇشىن ت ج م- دە قىزمەتتىك تەرگەۋ جۇرەتىنى ايتىلعان ەدى.
ەسكە سالا كەتەيىك، قاڭتار ايىنان بەرى الماتى تۇرعىندارى جەر سىلكىنگەنىن ءجيى سەزىپ كەلەدى.
سونداي-اق، سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى بيىل قازاقستان اۋماعىندا جويقىن جەر سىلكىنىسى بولمايتىنىن جەتكىزدى.
